امریکا کی ریاست میری لینڈ میں ایک شخص نے لاٹری میں ایسی خوش قسمتی حاصل کر لی جس نے سب کو حیران کر دیا۔لا پلاٹا کے رہائشی شخص نے بتایا کہ اس نے ایک ہی قرعہ اندازی میں 3 ایک جیسے ٹکٹ خریدے تھے اور ہر ٹکٹ پر 50 ہزار ڈالر کا انعام نکلا، جس کے بعد اس کی مجموعی جیت 1 لاکھ 50 ہزار ڈالر بن گئی جو کہ تقریباً 4 کروڑ 20 لاکھ پاکستانی روپے بنتی ہیں ۔
فاتح کے مطابق اس نے ٹکٹ خریدنے کے لیے اپنے وفاقی ملازمت کے ایمپلائی آئی ڈی نمبر کے ہندسے استعمال کیے تھے۔ وہ 5 جون کی قرعہ اندازی سے پہلے سو گیا تھا اور اگلی صبح جب نتائج دیکھے تو خوشی سے حیران رہ گیا۔
میری لینڈ لاٹری حکام کے مطابق ایک ہی ڈرائنگ میں ایک ہی طریقے سے تین بار جیت جانا غیر معمولی واقعہ ہے۔خوش قسمت شخص نے بتایا کہ اس نے ابھی تک یہ خبر اپنے گھر والوں کو نہیں دی اور وہ اپنے بچوں کو یہ سرپرائز دینا چاہتا ہے۔
اس کا کہنا ہے کہ جیتی گئی رقم کا کچھ حصہ وہ خاندان کے ساتھ بانٹے گا، جبکہ کچھ رقم روزمرہ اخراجات اور بلوں کی ادائیگی میں استعمال کرے گا۔ اس کے علاوہ وہ اس رقم سے سفر کا بھی ارادہ رکھتا ہے۔
By 
