By بھارت میں لوک سبھا کے انتخابات میں بھارتیہ جنتا پارٹی (بی جے پی) نے پھر میدان مار لیا ۔ این ڈی اے سے اتحاد کر کے 292 نشستیں جیت لیں ۔
تفصیلات کے مطابق بھارتی میڈیا کے مطابق لوک سبھا کے الیکشن میں بھارتیہ جنتا پارٹی (بی جے پی) کے اتحاد کی کامیابی کے بعد حکومت سازی کے معاملات شروع ہوچکےہیں ، مودی نے وزار ت عظمیٰ کے عہدے سے استعفیٰ دے دیا ہے۔ بھارتی صدر دروپدی مرمو نے نریندر مودی کا استعفیٰ قبول کر لیا ہے اور ان سے اگلی حکومت کی تشکیل تک کام جاری رکھنے کی درخواست کی ہے۔ بھارتی میڈیا رپورٹ کے مطابق نریندر مودی تیسری مرتبہ ملک کے وزیراعظم کا منصب سنبھالنے کے لیے 8 جون کو اپنے عہدے کاحلف اٹھائیں گے۔
مزید پڑھیں:بھارتی انتخابات،سیاست میں ڈیبیو کرنیوالی اداکارہ کنگنا رناوت کا جیت کا اعلان
ہندوستانی میڈیا کے مطابق نریندر مودی بھارتی تاریخ میں تیسری مرتبہ وزیراعظم بننے والی دوسری شخصیت ہیں، ان سے پہلے جواہر لال نہرو تین مرتبہ بھارت کے پرائم منسٹر کے منصب پر رہ چکے ہیں ۔ بھارتی میڈیا کامزید بتانا ہےکہ وزیراعظم کے عہدے سے استعفے سے قبل مودی نے یونین کیبنٹ کی اہم میٹنگ بھی کی جس میں الیکشن نتائج اور حکومت سازی کے معاملات زیر غور آئے۔ واضح رہے کہ لوک سبھا کے انتخابات میں کانگریس اتحاد نے 234 نشستیں حاصل کی ہیں اور بی جے پی کے اتحاد این ڈی اے نے 292 نشستیں جیتی ہیں۔
