By
عادل راجہ کی برطانوی عدالت میں بریگیڈیئر (ر) راشد نصیر کی جانب سے دائر کیس میں 10 ہزار پاؤنڈ جرمانے کو معاف کرانے کی اپیل مسترد ہو گئی ۔
تفصیلات کے مطابق برطانوی عدالت میں مدعی بریگیڈئر راشد (ر) نے موقف اختیار کیا کہ عادل راجہ نے تاحال 10 ہزار پاؤنڈ جرمانے کی رقم ادا نہیں کی۔برطانوی عدالت کے ڈپٹی جج ہائیکورٹ مسٹر رچرڈز سپیئرمین نے عادل راجہ کو مزید 3 ہزار پاؤنڈ ادا کرنے کا حکم جاری کردیا ، عادل راجہ نے جرمانہ معاف کرنے کی اپیل 16 اپریل 2024ء کو دائر کی تھی جو مسترد ہوئی اور اب انہیں یہ جرمانہ اضافہ تین ہزار پاؤنڈ کے ساتھ ادا کرنے کا حکم جاری کیا ہے واضح رہے کہ برطانوی عدالت نے عادل راجہ کو مدعی بریگیڈیئر (ریٹائرڈ) راشد نصیر کی 2 درخواستوں، ہتک عزت کیس پر حکم امتناع اور سیکورٹی اخراجات کی مد میں 10 ہزار پونڈ کی ادائیگی کا حکم صادر کیا تھا۔
یہ بھی پڑھیں: عمران خان کو ملنے والی سہولیات کی تفصیلات پہلی بار منظر عام پر آگئیں
برطانوی عدالت نے قرار دیا تھا کہ عادل راجہ نے بریگیڈیئر ریٹائرڈ راشد نصیر کی اپنی ٹویٹر/ ایکس، فیس بک اور یوٹیوب کی 9 پبلیکیشنز میں ہتک کی۔ عادل راجہ کو اس رقم کی ادائیگی کیلئے 17 اپریل 2024 تک کا وقت دیا گیا تھا مگر انہوں نے 16 اپریل کو جرمانے کی معافی کیلئے اپیل دائرکی تھی۔عادل راجہ کی جرمانہ معافی کی اپیل بھی مسترد ہونے کے بعد یہ بات ثابت ہو چکی کہ برطانوی عدالت ان کے موقف سے مطمئن نہیں ۔واضح رہے کہ عادل راجہ نے افسر کیخلاف اپنی مہم کا آغاز 14 جون 2022 کو ٹویٹز اور یوٹیوب اور فیس بک پر ویڈیوز کے ذریعے کیا تھا۔
عدالتی دستاویزات سے حاصل معلومات کے مطابق ریٹائرڈ بریگیڈیئر راشد نے اپنے برطانوی وکلاء کے ذریعے 11 اگست 2022 کو اپنا کیس دائر کیا تھا۔بیرون ملک بیٹھے ملک دشمن عناصر کے گرد اب قانون کا گھیرا تنگ ہوچکا ہے ، یاد رہے کہ ماضی میں بھی عادل راجہ نے اس طرح غربت کا رونا رو کر فنڈنگ سے بہت زیادہ پیسے اکٹھے کئے تھے۔
یہ بھی پڑھیں: عمران خان کی رہائی قریب یا نئی رکاوٹیں تیاریاں؟سینئر صحافی کا تہلکہ خیز انکشاف
خیال رہے کہ پاکستان ٹیلی کمیونیکشن (پی ٹی اے) کی درخواست پر 30 مئی کو پاکستان آرمی کیخلاف جھوٹا، من گھڑت پراپگنڈا کرنیوالے عادل راجہ کے زیر استعمال سوشل میڈیا اکائونٹس کو بلاک کر دیا گیا۔ تفصیلات کے مطابق عادل راجہ کے زیر استعمال پاکستان ایکس سروس مین سوسائٹی کے ایکس اور فیس بک اکائونٹس کو بلاک کر دیا گیا ہے۔ پی ٹی اے نے کچھ عرصہ پہلے ایکس اور فیس بک سے معاملے کو اٹھایا تھا۔ عادل راجہ ملک سے باہر بیٹھ کر غیر قانونی طور پر پاکستان ایکس سروس مین سوسائٹی کے ایکس اور فیس بک اکائونٹس کو غیر قانونی طور پر استعمال کر رہا ہے۔ پی ٹی اے کی درخواست پر دونوں سوشل میڈیا اکائونٹس کو بلاک کیا گیا۔
یاد رہے کہ اس سے قبل عادل راجہ برطانیہ کی عدالت میں بریگیڈیئر (ر) راشد نصیر کی جانب سے اپنے خلاف دائر ہتک آمیز کا مقدمہ بھی ہار گئے تھے۔ عادل راجا کے بے بنیاد الزامات کو برطانوی جج نے ردی کی ٹوکری میں پھینک دیا اور ان الزامات کو بے بنیاد اور غلط قرار دیا۔ عادل راجہ پر ہتک عزت کے مقدمے میں 10ہزار پائونڈز جرمانہ عائد کیا گیا تھا۔
