گاڑیوں اور موٹرسائیکلوں کی ٹینکیاں بھروا لیں، پیٹرولیم ایسویسی ایشن کی شہریوں سے اپیل

پاکستان پیٹرولیم ڈیلرز ایسوسی ایشن اور حکومت کے درمیان مذاکرات ناکام ہوگئے ہیں اور پیٹرول پمپ مالکان نے ہڑتال کا اعلان کیا ہے۔

پیٹرولیم ڈیلرز ایسوسی ایشن کے چیئرمین عبدالسمیع خان کا کہنا ہے کہ 5 جولائی کی صبح 6 بجے سے ملک بھر میں پیٹرول پمپ بند رہیں گے۔ انہوں نے کہا کہ ہڑتال علامتی ہوسکتی ہے۔ انہوں نے مزید کہا کہ انہوں نے وزیر خزانہ محمد اورنگزیب، چیئرمین ایف بی آر ملک امجد زبیر ٹوانہ اور چیئرمین اوگرا مسرور خان سے ملاقات کی لیکن ملاقات بے نتیجہ رہی۔

یہ بھی پڑھیں: ہنڈا سی ڈی 70، ہنڈا سی ڈی70 ڈریم کی قیمت کیا؟

عبدالسمیع خان نے کہا کہ وہ دوہرا ٹیکس قبول نہیں کریں گے اور پٹرول پمپس بند کرکے احتجاج کریں گے۔ انہوں نے شہریوں سے اپیل کی کہ وہ اپنی گاڑیوں اور موٹر سائیکلوں کو پیٹرول سے بھریں۔ انہوں نے ڈیلرز کو 4 جولائی تک پیٹرول ذخیرہ کرنے کی بھی ہدایت کی تھی۔