By سنی اتحاد کونسل کی قومی اسمبلی کی نشستوں میں ایک اور نشست کا اضافہ ہوگیا۔
تفصیلات کے مطابق باجوڑ سے آزاد حیثیت میں الیکشن جیتنے والے ایم این اے مبارک زیب خان نے پاکستان تحریک انصاف میں باقاعدہ شمولیت اختیار کر لی، جس کے بعد قومی اسمبلی میں سنی اتحاد کونسل کی ایک نشست بڑھ گئی ہے۔ باجوڑ میں وزیراعلیٰ خیبرپختونخوا علی امین گنڈاپور کا ضمنی الیکشن کے حوالے سے جرگہ کامیاب ہوگیا اور ایم ایب اے مبارک زیب ساتھیوں سمیت پاکستان تحریک انصاف میں شامل ہوگئے ہیں اور انہوں نے اپنا اُمیدوار بھی پارٹی کے حق میں دستبردار کروا دیا ہے۔
مزید پڑھیں: سنی اتحاد کونسل کی مخصوص نشستوں کے کیس کی سماعت مکمل، سپریم کورٹ نے فیصلہ محفوظ کر لیا
مبارک زیب نے پی ٹی آئی امیدوار ملک راحت اللہ کے حق میں اپنا امیدوار میاں حبیب گل دستبردار کر دیا ہے۔ مبارک زیب نے پریس کانفرنس کرتے ہوئے کہا کہ میں غیر مشروط طور پر پاکستان تحریک انصاف کے نامزد اُمیدوار ملک راحت اللہ کے حق میں اپنا امیدوار میاں حبیب گل دستبردار کرتاہوں۔ان کا کہنا تھا کہ پی ٹی آئی کا حصہ بن گیا ہوں اور پی ٹی آئی امیدوار ملک راحت اللہ کیلئے الیکشن کمپین چلانے کا اعلان کرتا ہوں۔
