سپاہی ثوبان شہید نے بنوں کینٹ حملے میں جرات و بہادری کی اعلی ترین مثال قائم کر دی

 پندرہ جولائی 2024 کو بنوں میں دہشتگردی کے حملے کو ناکام بناتے ہوئے اپنی بہادری اور جوانمردی سےجان کی پرواہ کیے بغیر جام شہادت نوش کیا۔

تفصیلات کے مطابق سپاہی ثوبان شہید نے پندرہ جولائی کو بنوں چھاؤنی پر دہشت گردوں کے حملے میں اپنے ساتھیوں کی جان بچانے کیلئے دہشتگردوں کی جانب سے پھینکے گئے گرینیڈ پر لیٹ گئے اور بڑی تباہی کو روک لیا۔ پاکستان گزشتہ دو دہائیوں سے دہشتگردی کی جنگ کا سامنا کر رہا ہے اور پاک فوج کے جوان اپنی جانوں کے نذرانے پیش کرتے ہوئے اپنے لہو سے تاریخ لکھ رہے ہیں۔

یہ بھی پڑھیں: عمران خان کی جیل میں ہونیوالی ملاقاتوں کی تفصیلات سامنے آگئیں

سپاہی ثوبان مجید بلوچ شہید نے 15 جولائی 2024کوبنوں میں دہشتگردی کے حملے کو ناکام بناتے ہوئے اپنی بہادری اور جوانمردی سےجان کی پرواہ کیے بغیرجام شہادت نوش کیا سپاہی ثوبان شہید نے نہ صرف جان کی قربانی دی بلکہ بہت سی جانوں کو بھی بچایا۔ وطن کی محبت پاک فوج کا طرہ امتیاز ہے اور اس سفر میں صف اول پر ہماری مسلح افواج کے بہادر جوان ہیں۔ پاک فوج کے جوانوں نے پاکستان کی تاریخ میں بہادری کے وہ کارہائے نمایاں سرانجام دیئے ہیں جن کی مثالیں دنیا میں دی جاتی ہیں

یہ بھی پڑھیں: حکومت کا 5 وزارتیں ختم کرنے کا فیصلہ، مشاورتی عمل مکمل

بہادری کی ایسی مثالیں تاریخ میں بہت کم ملتی ہیں سپاہی ثوبان شہید نے اپنے حوصلے اور بہادری سےدہشتگردوں کو دوٹوک پیغام دیا کہ جب تک پاکستان کے مرد مجاہد دفاع وطن میں کھڑے ہیں دہشت گردوں کا مقدر ناکامی ہے مظفر آباد سے تعلق رکھنے والے سپاہی ثوبان شہید کی نماز جنازہ میں پاک فوج کے افسران و جوانوں سمیت سینکڑوں افرادشریک ہوئے سپاہی ثوبان شہید کے والد کو پاک فوج کی جانب سے پیش کیا جانے والا پاکستانی پرچم گواہ ہے کہ قوم کے اس بہادر بیٹے نے بلاشبہ اپنی بہادری اور جذبہ شہادت کو ثابت کر دیا ۔ سپاہی ثوبان شہید کی نہ بھلائی جانے والی بہادری تاریخ میں سنہرے حروف سے لکھی جائے گی۔