By قومی اسمبلی کی قائمہ کمیٹی نے الیکشن ایکٹ ترمیمی بل منظور کرلیا۔
تفصیلات کے مطابق قومی اسمبلی کی قائمہ کمیٹی برائے پارلیمانی امور کا اجلاس ہوا جس میں الیکشن ایکٹ ترمیمی بل منظوری کے لیے پیش کیا گیا۔ قومی اسمبلی کی قائمہ کمیٹی برائے پارلیمانی امور کی جانب سے الیکشن ایکٹ ترمیمی بل کی منظوری دے دی گئی۔ کمیٹی نے بل پر غور کرنے کے لئے میٹنگ کی جس پر ووٹنگ کی گئی۔ بل کے حق میں 8 اور مخالفت میں 4 ووٹ پڑے جبکہ شاہدہ اختر نے ووٹنگ میں حصہ نہیں لیا۔ اس کے بعد کمیٹی نے الیکشن ایکٹ ترمیمی بل کی منظوری دے دی۔
یہ بھی پڑھیں: پیٹرولیم مصنوعات کی قیمتوں میں بڑی کمی متوقع
بعد ازاں وزیر قانون اعظم نذیر تارڑ کا کہنا تھا کہ آزاد ارکان کی کسی بھی سیاسی جماعت میں شمولیت اور مخصوص نشستوں کا معاملہ واضح ہے۔ پی ٹی آئی کے علی محمد خان نے کہا کہ یہ نجی بل ہے اور وزیر قانون کو اس کی وکالت نہیں کرنی چاہیے۔ جس شخص نے بل پیش کیا وہ اس کی وضاحت کرے۔
واضح رہے کہ الیکشن ایکٹ 2017 ترمیمی بل گزشتہ روز قومی اسمبلی میں پیش کیا گیا تھا جسے اسپیکر نے متعلقہ قائمہ کمیٹی کو بھیج دیا تھا۔بل میں کہا گیا ہے کہ کسی سیاسی جماعت سے وابستگی کا حلف نامہ تبدیل نہیں کیا جاسکتا۔
