By محکمہ اسکولز ایجوکیشن پنجاب نے اسکولوں میں ہفتہ وار 2 چھٹیوں کا اعلان کردیا۔
نوٹیفکیشن کے مطابق پنجاب بھر میں گرمیوں کی تعطیلات کے بعد اسکول 15 اگست سے کھل جائیں گے۔
نوٹیفکیشن میں بتایا گیا کہ 15 اگست سے سرکاری اسکول ہفتے میں 5 روز کھلیں گے، سنگل شفٹ سکولوں میں پیر سے جمعرات تک اسکول 8 بجے سے دوپہر ڈیڑھ بجے کھلے رہے گے۔
نوٹیفکیشن میں کہا گیا کہ ڈبل شفٹ میں چلنے والے اسکول میں پہلی شفٹ 8 بجے سے ساڑھے 12 بجے تک ہوگی۔
نوٹیفکیشن کے مطابق دوسری شفٹ میں ایک بجے سے 5 تک طالب علموں کو پڑھایا جائے گا جبکہ جمعہ کو اسکول 8 سے 12 تک کھلے رہیں گے۔
ہفتہ اور اتوار کی دو چھٹیوں کا فیصلہ اساتذہ پر ورک لوڈ کم کرنے کیلئے کیا گیا ہے ۔
