By صدر عوامی نیشنل پارٹی ایمل ولی خان نے کہا ہے کہ خیبر پختونخوا سستی بجلی پیدا کر رہا ہے، 14 روپے فی یونٹ ریلیف پنجاب میں د ینا کہاں کا انصاف ہے ؟۔
تفصیلات کے مطابق ان کا کہنا تھا کہ پختونخوا میں بجلی کے نرخوں میں کمی کی جائے ورنہ ایک ماہ بعد وفاقی دارالحکومت اسلام آباد کا کریں گے اور دھرنا دیں گے۔
ایمل ولی خان کا کہنا تھا کہ جس صوبے میں آئی پی پیز کی بھرمار ہے وہاں ووٹ بینک کی خاطر بلوں میں کمی کی جارہی ہے، کے پی کے میں آئی پی پیز سے ایک میگا واٹ بجلی بھی پیدا نہیں ہو رہی تو یہاں کے عوام ان کا بوجھ کیوں برداشت کریں؟۔
ان کا کہنا تھا کہ پیداواری لاگت کے حساب سے پختونخوا میں بجلی کے نرخوں کا تعین صوبے کا بنیادی حق ہے، بجلی اور گیس کی مد میں پختونخوا کے بقایاجات کی ادائیگی کے لیے وفاقی کابینہ ہنگامی اقدامات کرے۔
واضح رہے کہ3 روز قبل مسلم لیگ نون کے صدر میاں محمد نواز شریف نے وزیراعلیٰ پنجاب مریم نواز کے ہمراہ پریس کانفرنس کرتے ہوئے صوبے میں 500 یونٹ تک بجلی استعمال کرنے والوں کو 2 ماہ کے لئے 14 روپے فی یونٹ تک ریلیف دینے کا اعلان کیا تھا۔
یہ بھی پڑھیں:عوام کے مسائل کس طرح حل ہونگے ؟ شاہد خاقان عباسی نے طریقہ کار بتا دیا
وزیراعظم شہباز شریف نے بھی وزیراعلیٰ پنجاب کے بجلی کی قیمتوں میں ریلیف کے اقدامات کو سراہا تھا جب کہ وفاقی وزیر اطلاعات و نشریات عطا تارڑ کا کہنا تھا نواز شریف کو عوام کے درد کا احساس ہے اور وہ ہمیشہ عوام کی فلاح کےلئے آگے بڑھ کر کام کرتے ہیں۔
