By گاڑیوں کے شوقین افراد کے لیے خوشخبری! چین سے پہلی کھیپ پاکستان پہنچ گئی ہے، اور اس کی قیمتیں بھی سامنے آ گئی ہیں۔
چینی کمپنی چنگان نے 16 اگست کو دیپال برانڈ اور اس کی دو گاڑیوں کی رونمائی کی تھی، اور اب ماسٹر چنگان 20 ستمبر 2024 کو دیپال S07 اور L07 کی باضابطہ لانچ کے لیے تیار ہے۔سوشل میڈیا پر گردش کرنے والی تصاویر میں ماسٹر چنگان کی دیپال الیکٹرک گاڑیوں کی بڑی کھیپ دکھائی گئی ہے، جو پاکستان پہنچ چکی ہیں اور اب ملک بھر میں چنگان کے ڈیلرشپس کی جانب روانہ ہو رہی ہیں۔
یہ بھی پڑھیں: شناختی کارڈ کی فوٹوکاپیاں بنانا خطرناک، نادرا کی وارننگ
یہ نئی گاڑیاں تین بڑی کمپنیوں، CATL، ہواوے، اور چنگان کی طاقتور شراکت داری کا نتیجہ ہیں، جنہوں نے مل کر یہ جدید ترین الیکٹرک گاڑیاں تیار کی ہیں جو پاکستان کی آٹو موٹیو صنعت میں انقلاب لانے کے لیے تیار ہیں۔
یہ گاڑیاں اب چنگان ڈیلرشپس پر پہنچ رہی ہیں، جہاں لانچنگ تقریبات کے دوران ان کی باضابطہ طور پر نقاب کشائی کی جائے گی۔ گاڑیوں کی بکنگ جاری ہے، اور توقع کی جا رہی ہے کہ دسمبر 2024 میں ان کی فراہمی شروع ہو جائے گی۔ صارفین اپنے قریبی چنگان ڈیلر کی دکان پر جا کر بکنگ کر سکتے ہیں۔
یہ بھی پڑھیں: فائلرز کو سوزوکی آلٹو کتنے میں ملے گی؟ قیمتیں سامنے آگئیں
دیپال گاڑیوں کی خصوصیات میں 250 ہارس پاور (ایچ پی) اور 320 این ایم کا ٹارک، 66.8 کلو واٹ کی بیٹری، اور ایک چارج میں 540 کلومیٹر کی ڈرائیونگ رینج شامل ہیں۔ان گاڑیوں کی چارجنگ 35 منٹ میں 30 سے 80 فیصد تک ہو سکتی ہے۔ قیمتوں کی بات کریں تو دیپال L07 سیڈان کی قیمت1 کروڑ 55 لاکھ روپے اور دیپال S07 (ایس یو وی) کی قیمت1 کروڑ 65 لاکھ روپے ہے۔
