By آئی ایم ایف سے قرض پروگرام کی منظوری کے بعد پاکستان اسٹاک ایکسچینج میں تیزی دیکھنے میں آ رہی ہے، جہاں 100 انڈیکس نے نئی بلندیوں کو چھوا۔
آج کاروبار کے آغاز سے ہی 100 انڈیکس میں تیزی محسوس کی گئی، اور ایک موقع پر یہ 658 پوائنٹس کے اضافے کے ساتھ 82905 کی نئی ریکارڈ سطح پر ٹریڈ کرتا نظر آیا۔یہ بات قابل ذکر ہے کہ گزشتہ روز بھی پاکستان اسٹاک ایکسچینج میں مثبت رجحان رہا، جہاں 100 انڈیکس 764 پوائنٹس کے اضافے کے بعد 82247 پر بند ہوا۔
یہ بھی پڑھیں: آئی فون 16 پرومیکس خریدنے والوں کیلئے زبردست آفر
مارکیٹ میں 42 کروڑ شیئرز کے سودے 18.38 ارب روپے میں طے ہوئے، جس کے باعث مارکیٹ کیپٹلائزیشن 99 ارب روپے بڑھ کر 10784 ارب روپے تک پہنچ گئی۔ دوسری جانب، تبادلہ مارکیٹ میں پاکستانی روپیہ کے مقابلے میں امریکی ڈالر کی قدر میں کمی کا سلسلہ جاری ہے۔ آئی ایم ایف سے 7 ارب ڈالر کے قرض کی منظوری کے مثبت اثرات محسوس کیے جا رہے ہیں۔
آج کاروباری ہفتے کے چوتھے روز، روپے کے مقابلے میں ڈالر کی قدر میں 35 پیسے کی کمی ہوئی، جس کے نتیجے میں انٹر بینک میں ڈالر 277 روپے 50 پیسے پر پہنچ گیا۔
