By کانسٹیبل عبد الحمید شاہ کے قتل کا مقدمہ تھانہ نون میں درج کر لیا گیا۔
تفصیلات کے مطابق پاکستان تحریک انصاف کے گزشتہ دنوں ہونیوالے احتجاج کے دوران شہید کانسٹیبل کے قتل کے مقدمے میں عامر مغل کو مرکزی ملزم قرار دیا گیا۔
قتل کے مقدمے میں بانی پی ٹی آئی، علی امین گنڈاپوراور اعظم سواتی کے نام بھی شامل ہیں۔ مقدمے میں بیرسٹر سیف، عمر ایوب، حفیظ ٹیپو، رفیع آفریدی اور 500 نامعلوم افراد کو بھی نامزد کیا گیا ہے۔
مزید پڑھیں: عمران خان کیخلاف قتل کا مقدمہ درج کر لیا گیا
ایف آئی آر کے متن کے مطابق عامر مغل نے اپنے ساتھیوں کے ساتھ مل کر کانسٹیبل عبد الحمید کو زبردستی پکڑا اور ان پر لاتوں، مکوں، ڈنڈوں اور پتھروں سے تشدد کیا۔عامر مغل اور ان کے ساتھیوں نے پولیس پر فائرنگ کرتے ہوئے عبد الحمید کو اغوا کر لیا اور انہیں بڈھانہ لنک روڈ پر بے ہوشی اور زخمی حالت میں چھوڑ کر فرار ہو گئے۔
بعد ازاںعبد الحمید کو زخمی حالت میں پمز اسپتال منتقل کیا گیا، جہاں وہ جان کی بازی ہار گئے۔ مقدمے میں اقدام قتل، اغوااور دہشت گردی سمیت 12 دفعات شامل کی گئی ہیں۔
