پاکستان تحریک انصاف (پی ٹی آئی )کے سابق چیئرمین اور سابق وزیراعظم عمران خان سے متعلق گردش کرنے والی افواہوں کی حقیقت سامنے آگئی ہے ۔
جیل ذرائع نے کہا ہے کہ عمران خان سے متعلق گردش کرنے والی خبروں میں کوئی صداقت نہیں، ان سے متعلق افواہیں بے بنیاد ہیں، وہ جیل میں اپنے ہی سیل میں موجود ہیں اور انہیں جیل مینول کے تحت تمام سہولیات دستیاب ہیں۔
ذرائع کے مطابق بانی پی ٹی آئی کا معمول کا طبی معائنہ بھی کیا جاتا ہے، انکی طبیعت بلکل ٹھیک ہے، انہیں پڑھنے کیلئے دو انگریزی روزنامے روزانہ دیئے جاتے ہیں۔ جیل ذرائع کا کہنا تھا کہ بانی پی ٹی آئی عمران خان بجلی ہر وقت بحال رہتی ہے، ان کے کھانے کیلئے علیحدہ کچن دستیاب ہے، جبکہ دو مشقتی بانی پی ٹی آئی کو شفٹوں میں دستیاب ہوتے ہیں۔
جیل ذرائع نے بتایا کہ پنجاب حکومت کی جانب سے 18 اکتوبر تک جیل میں ہر قسم کی ملاقات پر پابندی ہے، نیشنل کاونٹر ٹیرزم کی جانب سے جاری تھریٹ الرٹ کے باعث جیل کی سیکورٹی سخت کی گئی ہے۔
By 
