خصوصی کمیٹی نے 26 نکات پر مشتمل آئینی مسودہ منظور کر لیا

پارلیمنٹ کی خصوصی پارلیمانی کمیٹی نے 26 ویں آئینی ترمیم کے مجوزہ مسودے کی منظوری دے دی ہے۔

تفصیلات کے مطابق خورشید شاہ کی صدارت میں ہونے والے اجلاس کے دوران کمیٹی نے حتمی مسودے پر اتفاق کیا۔ سینیٹر عرفان صدیقی نے اس بات کی تصدیق کی کہ اجلاس میں منظور کردہ آئینی مسودہ اب کابینہ کو بھیجا جائے گا۔ خورشید شاہ نے مزید بتایا کہ اوورسیز پاکستانیوں کے انتخابات میں حصہ لینے کے حوالے سے شامل شق کابینہ کے سامنے پیش کی گئی ہے۔ اگر کابینہ نے اس کی منظوری دے دی تو یہ آئینی ترمیم میں شامل ہو جائے گا، جس کے بعد مسودہ پارلیمنٹ میں پیش کیا جائے گا۔

یہ بھی پڑھیں: ہونڈا کی نئی آفر: صرف 70,000 روپے ماہانہ قسط پر گاڑی حاصل کریں

دوسری جانب 26 ویں آئینی ترمیم کے مسودے پر مشاورت کی سرگرمیاں مولانا فضل الرحمان کی رہائشگاہ پر جاری ہیں، جہاں پانچ جماعتوں کے سربراہان موجود ہیں۔ چیئرمین پیپلز پارٹی بلاول بھٹو زرداری، چیئرمین پی ٹی آئی بیرسٹر گوہر، سربراہ سنی اتحاد کونسل صاحبزادہ حامد رضا، سربراہ ایم ڈبلیو ایم علامہ ناصر عباس، اور بی این پی مینگل کے قائم مقام صدر ساجد ترہن بھی مولانا فضل الرحمان کے ساتھ اس آئینی مسودے پر بات چیت کر رہے ہیں۔ یہ مشاورت آئینی ترمیم کے مستقبل کے لیے اہم پیش رفت ہے۔