کابینہ اور سینٹ اجلاس میں تاخیر : حکومت اتفاقِ رائے پیدا کرنے کے لیے کوشاں ہے: خواجہ آصف

مجوزہ آئینی ترمیم کے حوالے سے تاخیر بارے گفتگو کرتے ہوئے خواجہ آصف نے کہا ہے کہ حکومت اتفاقِ رائے پیدا کر رہی ہے اسی وجہ سے کابینہ اور سینٹ اجلاس میں تاخیر ہو رہی ہے۔

وزیر دفاع خواجہ آصف نے پارلیمنٹ کے باہر گفتگو کرتے ہوئے کہا ہے کہ جب اتفاق رائے پیدا کرنے کی کوشش کرتے ہیں تو اس طرح کی تاخیر ہو تی رہتی ہے۔ انکا کہنا تھا کہ ماضی میں بھی جب ترامیم ہوئیں تو اس طرح کی مشکلات آتی رہیں اورہم چاہتے ہیں جو بھی کر رہے ہیں پارلیمنٹ کی بالادستی کے لئے کریں ۔وزیرِ دفاع خواجہ آصف نےکہا کہ آئین کا بنیادی اصول ہے جس کو ہم بحال کر رہے ہیں اورپارلیمنٹ میں موجود ساری پارٹیز ایک ہو جائیں اسکے لئے کوشش کر رہے ہیں ۔انہوں نے واضح کیا کہنمبر پورے ہیں مگر کوشش اور خواہش ہے کہ مولانا مان جائیں۔

مزید پڑھیں: کاکول میں 150ویں پی ایم اے لانگ کورس کی پاسنگ آؤٹ پریڈ

کابینہ اور سینیٹ اجلاس میں تاخیر کیوں رہی ہے اس بارے سوال کا جواب دیتے ہوئے انہوں نے کہا کہ اتفاق رائے پیدا کرنے کی کوشش کی جا رہی ہے ۔ انہوں نے کہا کہ آئینی ترمیم کے حوالے سے ہمارے نمبرز تو پورے ہیں۔آئینی ترامیم پر اتفاق رائے ہو جائے تو اچھی باے ہے۔ صحافی نے اس موقع پر ان سے سوال کیا کہ کیا جے یو آئے اور پی ٹی آئی نے کوئی لچک دکھائی ہے؟ جس پر انہوں نے کہا کہ اس حوالے سے کچھ بھی کہنا قبل از وقت ہوگا۔