اسلام آباد میں گزشتہ 24 گھنٹوں میں ڈینگی کے 60 مریض رپورٹ ہوئے ہیں جس سے اسلام آباد میں ڈینگی کے مجموعی مریضوں کی تعداد 2990 سے تجاوز کر چکی ہے۔
ڈسٹرکٹ ہیلتھ آفیسر اسلام آباد کے مطابق گزشتہ چوبیس گھنٹوں کے دوران اسلام آباد کے دیہی علاقوں میں ڈینگی نے 40 افراد کو متاثر کیا، دیہی علاقوں میں ڈینگی سے متاثرہ افراد کی مجموعی تعداد1899 ہو گئی۔گزشتہ چوبیس گھنٹوں کے دوران شہری علاقوں میں 20 افراد کو ڈینگی نے نشانہ بنایا۔اسلام آباد کے شہری علاقوں میں ڈینگی سے متاثرہ افراد کی مجموعی تعداد 1091 ہے۔
اسلام اباد میں ڈینگی سے 67 فیصد مرد جبکہ 33 فیصد خواتین متاثر ہیں اور اسلام آباد کے دیہی علاقے شہری علاقوں کی نشبت ڈینگی کا زیادہ شکا ر ہیں اور دیہی علاقوں سے ڈینگی کےزیادہ مریض رپورٹ ہو رہے ہیں۔
By 
