تبلیغی اجتماع اختتامی دعا،رائے ونڈ جانے والی شاہراہیں مکمل بند ہوں گی

تبلیغی اجتماع کی اتوار کی صبح اختتامی دعا کے وقت رائیونڈ سٹی،اجتماع آنے والے تمام روڈز ٹریفک کے لئے بند ہوں گے۔

چیف ٹریفک آفیسر لاہور عمارہ اطہر نے انخلاء کے ٹریفک انتظامات کا جائزہ لینے کے لئے رائے ونڈ روڈ کا دورہ کیا جہاں ایس پی شہزاد خان نے اتوار کے روز انخلا کے ٹریفک انتظامات پر بریفنگ دی۔

تبلیغی اجتماع مین اختتامی دعا کے وقت رائیونڈ سٹی آنے والے تمام روڈز پر شرکاء کی گاڑیوں کو یکطرفہ چلا یا جائے گا، بروز اتوار صبح 07 بجے سے لیکر انخلا تک تقریباً 12 بجے تک رائے ونڈ جانے والے راستے بند ہوں گے۔

رائیونڈ روڈ پاجیاں موڑ، قزلباش چوک موٹروے اور ٹھوکر نیاز بیگ تک دونوں اطراف پر ون وے چلایا جائے گا، بھوبتیاں چوک تا موہلنوال تک دونوں اطراف پر شرکا کی گاڑیوں کو ون وے چلایا جائے گا۔

نواز شریف نے مریم نواز کو پی آئی اے خریدنے کی تجویز دے دی

سندر روڈ، رائیونڈ روڈ تا سندر اڈا ملتان روڈ، رائیونڈ مانگا روڈ،کوٹ رادھا کشن روڈ اور صوئے آصل روڈ پر شرکا کی گاڑیوں کو یکطرفہ چلایا جائے گا۔

عمارہ اطہر نے کہا کہ انخلا کے وقت کسی بھی قسم کی ٹریفک کو موٹروے اوررنگ روڈ سے جانب رائیونڈ نہیں اترنے دیا جائے گا، رائے ونڈ روڈ، مانگا روڈ، سندر روڈ، موہلنوال روڈ سے کہیں بھی روڈ کراسنگ کی اجازت نہیں ہوگی۔

انخلا کے وقت سب سے پہلے موٹر سائیکل اور رکشہ اسٹینڈز خالی کروائے جائیں گی، کار اسٹینڈ، ویگن اسٹینڈ، اور آخرمیں بس اسٹینڈ اور ٹرک اسٹینڈ کو خالی کروائے جائیں گے، ٹریفک کی روانی کیلئے وارڈنز کی اضافی نفری اور تمام دفتری سٹاف بھی تعینات کر دیا گیا ہے۔

ٹریفک دباؤ کم ہونے پر روڈز پر ٹریفک کو معمول کے مطابق رواں دواں رکھا جائے گا۔ سی ٹی او لاہور نے کہا کہ اختتامی دعا کے وقت کسی بھی گاڑی کو اجتماع روڈ پر کھڑا نہ ہونے دیا جائے، شہری صبح7 بجے سے دوپہر12بجے تک رائیونڈ روڈ پر سفرکرنے سے گریز کریں۔