پاکستان میں فروخت ہونیوالے سگریٹس سے متعلق بڑا انکشاف سامنےآ گیا

پاکستان میں فروخت ہونے والی 50 فیصد سے زائد سگریٹس اسمگل شدہ اور غیر قانونی ہونے کا انکشاف ہوا ہے۔

تفصیلات کے مطابق ملک میں فروخت ہونیوالے مختلف برانڈز کے آدھے سے زائد سگریٹس غیر قانونی اور اسمگل زرائع سے فروخت کیئے جانے کا انکشاف ہوا ہے۔ملک میں اسمگل سگریٹس کی فروخت سے ملکی خزانے کو اربوں روپے کا نقصان ہو رہا ہے ، اس حوالے سے ذرائع کا کہنا ہے کہ ملک میں قانونی اور ٹیکس کیساتھ سگریٹس کی فروخت میں کمی سے ٹیکس ریونیو میں سالانہ 300 ارب کا نقصان ہورہا ہے۔

مزید پڑھیں: پنجاب میں ڈینگی کے وار بے قابو ، مزید 104 کیسز رپورٹ

رواں مالی سال کی پہلی سہ ماہی میں ہی قانونی سگریٹس کی فروخت میں 80 کروڑ اسٹک کی کمی ہوئی ہے اور جولائی تا ستمبر کی فروخت کا حجم 7.1 ارب سے کم ہو کر 6.3 ارب اسٹکس پر آگیا ہے۔

اس ضمن میں ملک میں اسمگل سگریٹس فروخت ہونے سے رواں سال قانونی سگریٹس کی مارکیٹ سیل میں 4 ارب روپے کی کمی کا خدشہ ہے۔مارکیٹ ذرائع کے مطابق صرف ایک برانڈ کی سالانہ فروخت 66 کروڑ سے کم ہوکر 30 کروڑ روپے پر آگئی ہے اورسگریٹ انڈسٹری میں ٹیکس چوری سے سالانہ 300 ارب روپے سے زائد نقصان کا تخمینہ لگایا گیا ہے۔