ملک بھر میں گورنمنٹ حج اسکیم 2025 کے تحت حج درخواستوں کی وصولی کا آغاز

وزارتِ مزہبی امور نے اعلان کیا ہے کہ گورنمنٹ حج اسکیم 2025 کے تحت ملک بھر کی 15 نامزد بینکوں میں حج درخواستوں کی  وصول کا با ضابطہ آغاز کر دیا گیا ہے۔

تفصیلات کے مطابق ملک بھر میں رواں سال کے عازمینَ حج کے لیے 15 نامزد بینکوں میں حج درخواستوں کی وصولی کاآغاز کر دیا گیا ہے۔  حج درخواستوں کے ساتھ 2 لاکھ روپے جمع کرانا ہوں گے، دوسری قسط قرعہ اندازی کے بعد وصول کی جائے گی۔

مزید پرھیں: غیر ملکی سرمایہ کاری میں گزشتہ سال کی نسبت 32.3 فیصد اضافہ

سمندر پار پاکستانیوں کیلئے سپانسر شپ سکیم کیلئے 5 ہزار نشستیں مختص کر دی گئیں ہیں، حج اخراجات پونے گیارہ سے پونے بارہ لاکھ تک ہونے کا امکان ہے۔ سرکاری حج اسکیم 2025 کے لیے درخواستیں جمع کرانے کا عمل آج سے باضابطہ طور پر شروع ہوا، درخواستوں کی وصولی 3 دسمبر تک جاری رہے گی۔

وزارت مذہبی امور نے اعلان کیا کہ ملک بھر کے 15 نامزد بینکوں میں درخواستیں جمع کرائی جا سکتی ہیں۔ اس سکیم کے تحت آنے والے حج سیزن کے لیے پاکستانی عازمین کے لیے کل 89,605 کوٹے مختص کیے گئے ہیں۔ درخواست دہندگان کو اپنی ابتدائی درخواست کے ساتھ 200,000 روپے جمع کرنے کی ضرورت ہے۔

مزید پڑھیں: 24 نومبر احتجاج کال، حکومت کو اسلام آباد پہنچ کر سرپرائز دیں گے، بیرسٹر سیف

6 دسمبر کو قرعہ اندازی کے بعد حج فیس کی دوسری قسط وصول کی جائے گی۔ جبکہ بقایاجات یکم فروری سے 10 فروری 2025 کے درمیان ادا کرنا ہونگے۔ سرکاری حج سکیم میں ایک جامع پیکج شامل ہے جس میں ہوائی ٹکٹ، کھانا، رہائش، تربیت اور حجاج کے لیے ضروری ویکسینیشن شامل ہیں۔

عام سکیم کے علاوہ سپانسر شپ سکیم کے تحت سمندر پار پاکستانیوں کے لیے 5000 نشستیں مختص ہیں۔ یہ نشستیں “پہلے آئیں، پہلے پائیے” کی بنیاد پر دستیاب ہیں۔ بیرون ملک مقیم پاکستانی ایک نامزد بینک کو $4,225 بھیج کر اپنے یا اپنے پیاروں کی حج کو اسپانسر کرسکتے ہیں۔

وزارت مذہبی امور نے یہ بھی اعلان کیا ہے کہ پہلی بار حج قرعہ اندازی میں پہلی بار درخواست گزاروں کو ترجیح دی جائے گی، جس کا مقصد نئے عازمین کو حج کا موقع فراہم کرنا ہے۔