انجینئر امیر مقام نے کہا ہے کہ عوام نے پاکستان تحریک انصاف (پی ٹی آئی ) کی احتجاجی کال کو مسترد کر دیا ہے۔
تفصیلات کے مطابق وفاقی وزیر برائے امور کشمیر و گلگت بلتستان امیر مقام نے پر یس کا نفرنس سے خطاب کرتے ہوئے کہنا تھا کہ اشتعال انگیزی کرنے والے ملک میں انتشار اور فتنہ فساد پھیلانا چاہتے ہیں ۔ ان کے احتجاج کی وجہ سے لوگوں کے کاروبار کو بھاری نقصان پہنچا ہے۔
ان کا کہنا تھا کہ کرم میں اس وقت خون کی ہولی چل رہی ہے ، خیبر پختونخوا کے وزیر اعلیٰ علی امین گنڈا پور کے پاس یہ مسئلہ ان کی ترجیحی فہرست میں نہیں ہے کیونکہ وہ امن و امان کی صور ت حا ل کو حل کرنے کے بجائے احتجاج میں ملوث ہیں۔
ان کا کہنا تھا کہ بانی پی ٹی آئی اسلام آباد میں احتجاج کی وجہ سے جیل سے باہر نہیں آئیں گے کیونکہ اس معاملے کا فیصلہ صرف عدالتیں کریں گی۔ لیگی رہنما نے کہا کہ خیبرپختونخوا کے وسائل کو سیاسی فائدے کے لیے استعمال کیا جا رہا ہے۔ انہوں نے بشریٰ بی بی کو سعودی عرب کیخلاف متنازعہ بیان دینے پر بھی تنقید کا نشانہ بنایا۔
By 
