پاکستان کی معروف اداکارہ ماورہ حسین نے اپنے مداحوں کو ایک خوشگوار حیرت میں مبتلا کر دیا ہے۔ پرتگالی فٹبال اسٹار کرسٹیانو رونالڈو نے نئے سال کی مبارکباد کے لیے ماورہ سے رابطہ کیا، ان کے پیغام کو اداکارہ نے اپنے انسٹاگرام پر شیئر کیا۔
ماورہ نے انسٹاگرام پر ایک اسکرین شاٹ پوسٹ کیا جس میں کرسٹیانو رونالڈو کا پیغام واضح طور پر نظر آ رہا ہے۔ اس پیغام میں رونالڈو نے نہ صرف نئے سال 2025 کی مبارکباد دی بلکہ ماورہ کے لیے نیک خواہشات کا اظہار بھی کیا۔ اداکارہ نے اپنی پوسٹ کے کیپشن میں لکھا، “یہ لمحہ میرے لیے ناقابل یقین ہے! کرسٹیانو رونالڈو جیسے لیجنڈ کی طرف سے نیا سال مبارک کہنا ایک خواب کی تعبیر جیسا ہے۔”
یہ انکشاف مداحوں کے لیے نہایت مسرت کن ہےاور سوشل میڈیا پر اس پر دلچسپ تبصرے کیے جا رہے ہیں۔ کچھ نے اس خبر کو “ماورہ کی خوش قسمتی” قرار دیا جبکہ دیگر نے رونالڈو کے اس اقدام کو ان کی عاجزی اور مداحوں سے جڑنے کی ایک بہترین مثال بتایا۔ ماورہ حسین کی یہ پوسٹ وائرل ہو رہی ہے اور مداح بے صبری سے مزید دلچسپ اپ ڈیٹس کے منتظر ہیں۔
By 
