کیپ ٹاؤن ٹیسٹ میں جنوبی افریقہ کے خلاف فالو آن ہونے کے بعد پاکستان کا شاندار کم بیک

جنوبی افریقہ کیخلاف دوسرے ٹیسٹ میں پاکستان کرکٹ ٹیم کے کپتان شان مسعود اور بابر اعظم نے ٹیسٹ کرکٹ میں تاریخ رقم کی اور فالو آن کے بعد دوبارہ بیٹنگ کرتے ہوئے شان مسعود اور بابر اعظم نے شاندار بیٹنگ کرتے ہوئے 205 رنز کا اوپننگ سٹینڈ دیا ہے۔

تفصیلات کے مطابق کیپ ٹاؤن ٹیسٹ میں فالو آن ہونے کے بعد تیسرے دن کھیل کے اختتام پر پاکستان نے اپنی دوسری اننگز میں ایک وکٹ پر 213 رنز بنا لیے ہیں اور اسے جنوبی افریقا کی برتری ختم کرنے کے لیے مزید 208 رنز درکار ہیں۔دوسری اننگز میں پاکستان بلے باز ڈٹ گئے اور جم کر حریف بالرز کا مقابلہ کیا۔ کپتان شان مسعود اور بابراعظم نے ذمہ دارانہ بیٹنگ کرتے ہوئے 205 رنز کا اوپننگ اسٹینڈ فراہم کیا۔

تجربہ کار بابراعظم 81 رنز بنا کر پویلین لوٹے جب کہ شان مسعود نے سنچری اسکور کی۔ وہ 102 رنز کے ساتھ ناٹ آؤٹ رہے جب کہ خرم شہزاد 8 رنز کے ساتھ ناٹ آؤٹ رہے۔ ،شان مسعود نے 102 اور بابر اعظم نے 81 رنز کے ساتھ 205 رنز کی نہ صرف جنوبی افریقہ کے خلاف پاکستان کی سب سے بڑی اوپننگ پارٹنر شپ بنائی بلکہ ٹیسٹ کرکٹ کی تاریخ میں فالو آن کے بعد سب سے بڑی اوپننگ شراکت کا ریکارڈ بھی بنادیا۔

اس سے قبل میچ میں جنوبی افریقہ نے پہلی اننگز میں 615 رنز کا بڑا سکور کرتے ہوئے پاکستان پر مکمل غلبہ حاصل کیا۔ جس کے بعد پاکستان کی ٹیم پہلی اننگز میں 194 رنز پر آل آؤٹ ہو کر فالو آن کا شکار ہوگئی۔ دوسری اننگز میں قومی ٹیم کے کپتان شان مسعود نے شاندار سنچری سکور کی، یہ ان کی چھٹی سنچری تھی۔ تیسرے دن کے اختتام پر پاکستان نے ایک وکٹ کے نقصان پر 213 رنز بنائے، پاکستان اب بھی 208 رنز کے خسارے میں ہے، جبکہ جنوبی افریقہ کو جیت کے لیے مزید 8 وکٹیں درکار ہیں۔