راولپنڈی: پاکستان تحریک انصاف کے بانی عمران خان سے پارٹی کی مذاکراتی کمیٹی کی آج اڈیالہ جیل میں ملاقات کا امکان ہے۔
پارٹی کے قریبی ذرائع کے مطابق مذاکراتی ٹیم میں عمر ایوب، صاحبزادہ حامد رضا، علامہ ناصر عباس، سلمان اکرم راجا، اور اسد قیصر شامل ہوں گے۔ کمیٹی کو قانونی معاونت وکیل فیصل چوہدری فراہم کریں گے۔
ذرائع کے مطابق، امکان ہے کہ علی امین گنڈاپور بھی عمران خان سے الگ ملاقات کریں گے۔ کمیٹی ملاقات کے دوران مذاکرات کے تیسرے مرحلے کے حوالے سے مشاورت کرے گی تاکہ آئندہ حکمت عملی کو حتمی شکل دی جا سکے۔