قومی کرکٹر احمد شہزاد نے پاکستان سپر لیگ کے دسویں ایڈیشن کے لیے رجسٹریشن کی خبروں کی تردید کرتے ہوئے پی ایس ایل اور پاکستان کرکٹ بورڈ تنقید کردی۔
احمد شہزاد نے سماجی رابطے کی ویب سائٹ ایکس پر جاری بیان میں کہا کہ انہوں نے پی ایس ایل 10 کے لیے رجسٹریشن نہیں کروائی اور گزشتہ سال ہی لیگ سے علیحدگی اختیار کر لی تھی۔
احمد شہزاد کا کہنا تھا کہ پی ایس ایل میں میرٹ کی کمی اور تعلقات کو حقیقی ٹیلنٹ پر ترجیح دی جا رہی ہے، جس کے باعث وہ اس لیگ کا حصہ بننے میں دلچسپی نہیں رکھتے۔ انہوں نے مزید کہا کہ پی سی بی چاہتا ہے کہ وہ ایک ایسی لیگ کا حصہ بنیں جو ہر سال زوال پذیر ہو رہی ہےلیکن وہ میرٹ کی ضمانت کے بغیر لیگ میں شامل ہونے کو تیار نہیں ہیں۔
اپنے بیان میں احمد شہزاد نے ان کھلاڑیوں کے حق میں آواز اٹھانے کی بات کی جنہیں نظرانداز کیا گیا ہے اور کہا کہ وہ اپنے کھیل میں انصاف کے لیے لڑتے رہیں گے۔ ان کا کہنا تھا کہ وہ ہمت نہیں ہاریں گے اور آخر تک ثابت قدم رہیں گے۔
یاد رہے کہ اس سے قبل پی ایس ایل مینجمنٹ نے رجسٹرڈ کھلاڑیوں کی فہرست میں احمد شہزاد کا نام شامل کیا تھا، جس کی انہوں نے واضح تردید کی اور لیگ چھوڑنے کے اپنے فیصلے کی وجوہات بیان کیں۔
By 
