بڑے اضافے کے بعد سونے کی قیمت میں کمی

ملک میں سونے کی قیمت میں معمولی کمی ہوئی، گزشتہ روز فی تولہ سونے کی قیمت میں 2900 روپے کا اضافہ ہوا تھا۔

آج سونے کے نرخ  میں 200 روپے کی معمولی کمی ہوئی ہے، جس کے بعد فی تولہ سونا 2 لاکھ 89 ہزار 400 روپے کا ہو گیا ہے۔

دس گرام سونے کے بھائو میں 172 روپے کی کمی ہوئی جس کے بعد دس گرام سونا 2 لاکھ 48 ہزار 113 روپے کا ہوگیا۔

بین الاقوامی مارکیٹ میں بھی سونے کے نرخ میں 2 ڈالر فی اونس  کمی ہونے سے سونا 2 ہزار 770 ڈالراونس ہو گیا ہے۔