پنجاب حکومت کی جانب سے چیف منسٹر لیپ ٹاپ سکیم 2025 کا اہلیت کا معیار اور پالیسی طے پا گئی ہے، جس کے تحت پنجاب بھر کے مستحق طلباء میں ایک لاکھ لیپ ٹاپ تقسیم کیے جائیں گے۔
مفت لیپ ٹاپ سکیم کا مقصد ڈیجیٹل خواندگی کو فروغ دینا اور طلباء کو جدید تکنیکی آلات فراہم کرنا ہے تاکہ وہ اپنے تعلیمی سفر میں سہولت محسوس کریں۔ اس سکیم کے تحت یونیورسٹی کے طلباء کے لیے 20 ہزار، کالج کے طلباء کے لیے 14 ہزار، ٹیکنیکل اور ایگریکلچر طلباء کے لیے 4 ہزار اور میڈیکل و ڈینٹل کالج کے طلباء کے لیے 2 ہزار لیپ ٹاپ مختص کیے گئے ہیں۔
علاوہ ازیںکمپیوٹر سائنس، طب، انجینئرنگ اور سماجی علوم کے طلباء کو بھی لیپ ٹاپ فراہم کیے جائیں گے۔ کاروبار، زراعت اور دیگر مطالعہ کے شعبوں کے طلباء کو بھی اس سکیم میں شامل کیا گیا ہے۔سکیم کے تحت دی جانے والے لیپ ٹاپ میں کور آئی سیون پروسیسرز کے ساتھ 13ویں جنریشن کے ماڈلز شامل ہوں گے۔ حکومت نے اس سکیم کے ذریعے اقلیتی کمیونٹی کے 2 ہزار طلباء کو بھی لیپ ٹاپ فراہم کرنے کا اعلان کیا ہے۔
جنوبی پنجاب کے 32 فیصد طلباء کو اس سکیم کے تحت لیپ ٹاپ فراہم کیے جائیں گے، جس سے اس علاقے کے طلباء کو بھی فائدہ پہنچے گا۔اہل طلباء کا ڈیٹا تعلیمی اداروں کے ذریعے اکٹھا کیا جائے گا اور تعلیمی ادارے طلباء کی کارکردگی کی بنیاد پر اس ڈیٹا کی تصدیق کریں گے۔ ہا
ئر ایجوکیشن کمیشن پنجاب منتخب طلباء کی حتمی فہرست کی تصدیق کرے گا، جس کے بعد لیپ ٹاپ کی تقسیم رمضان المبارک کے بعد شروع کی جائے گی۔اس سکیم کا مقصد نہ صرف تعلیم میں بہتری لانا ہے بلکہ نوجوانوں کو تکنیکی طور پر مضبوط بنانے کے لیے ایک قدم ہے تاکہ وہ عالمی معیار کے تعلیمی وسائل تک رسائی حاصل کر سکیں۔
By 
