ڈریپ نے ایووسیف کیپسول، ٹرامیکنگ ٹیبلٹ کو مضر صحت قرار دے دیا

ڈرگ ریگولیٹری اتھارٹی نے ان دونوں جعلی ادویات کے ریپڈ الرٹ جاری کر دیئے ہیں۔

 ڈرگ کنٹرول اتھارٹی نے مارکیٹ میں جعلی ادویات کی نشاندہی کی،  ڈرگ ٹیسٹنگ لیبارٹری نے دو ادویات کے سیمپلز کو جعلی قرار دیا ہے۔

ڈریپ کاکہنا ہے کہ جعلی اینٹی بائیوٹک کیپسول، پین کلر ٹیبلٹ کے دو بیچ مارکیٹ میں موجود ہیں، ایووسیف کیپسول، ٹرامیکنگ ٹیبلٹ کی فروخت، استعمال پر پابندی عائد کردی ، ایوسیف 250 ایم جی

کیپسول کا بیچ ایچ ایف 001 جعلی  ہے جبکہ ٹرامیکنگ 225 میگا ٹیبلٹ کا بیچ ٹی آر ڈی 2002 جعلی ہے۔

ڈریپ الرٹ میں یہ بھی کہا گیا ہے کہ ادویات کے سیمپلز کوالٹی ٹیسٹ کے معیار پر پورا نہیں اترے، ایووسیف کیپسول، ٹرامیکنگ ٹیبلٹ جعلی سالٹ سے تیار کردہ ہے، جعلی ادویات کا معیار،افادیت غیر واضح علاج پر اثرانداز ہو سکتی ہیں، جعلی ادویات کا استعمال جان لیوا ثابت ہو سکتا ہے۔

ڈریپ کاکہنا ہے کہ  فیلڈ فورس کو ایووسیف، ٹرامیکنگ ٹیبلٹ کے بیچز ضبطگی کی ہدایات جاری کردں ، ڈسٹری بیوٹرز، فارمیسز سٹاک میں ایووسیف، ٹرامیکنگ کی پڑتال کریں، فارمیسی، میڈیکل سٹورز جعلی کیپسول اور ٹیبلٹ کی فروخت روکیں ۔

ڈریپ نے  ریگولیٹری فیلڈ فورس کو مارکیٹس سرویلنس تیز کرنے،  جعلی ادویات کے سپلائرز کے خلاف فوری کارروائی کی ہدایت کی ہے ۔