پاکستان کی بڑی سفارتی کامیابی، ڈی سی او کونسل کی 2026 کی صدارت پاکستان کو مل گئی۔
اردن کے وزیر برائے ڈیجیٹل معیشت و کاروبار سامی سمیراط نے پاکستان کی صدارت کا اعلان کیا، وزیر آئی ٹی شزا فاطمہ خواجہ ڈی سی او کی چوتھی جنرل اسمبلی میں شرکت کر رہی ہیں۔
وزارت آئی ٹی کے مطابق پاکستان کو ڈی سی او ایگزیکٹو کمیٹی میں نشست مل گئی ہے، وزیر آئی ٹی نے پاکستان کی مؤثر نمائندگی کرتے ہوئے ڈی سی او جنرل اسمبلی میں بھرپور شرکت کی۔
وزیر آئی ٹی شزا فاطمہ خواجہ نے ڈی سی او جنرل اسمبلی سے خطاب کرتے ہوئے پاکستان کی ڈیجیٹل سرمایہ کاری کے فروغ پر زور دیا، انہوں نے کہاکہ ڈیجیٹل معیشت کے فروغ میں پاکستان عالمی قیادت کے لیے تیار ہے۔
وزیر آئی ٹی کا کہنا تھا کہ ڈیجیٹل فارن ڈائریکٹ انویسٹمنٹ انیشی ایٹو کی قیادت پاکستان کرے گا، ڈی سی او، پاکستان، عالمی اقتصادی فورم کے اشتراک سے ڈیجیٹل ایف ڈی آئی انیشی ایٹو کا آغاز اپریل 2025 میں ہوگا۔
وزارت آئی ٹی کے مطابق پاکستان کی ڈیجیٹل ٹیکنالوجی حکمت عملی بین الاقوامی سطح پر اجاگر ہوئی اور ڈیجیٹل معیشت کے فروغ میں پاکستان کی قیادت کو عالمی سطح پر تسلیم کیا گیا۔
By 
