وزیراعظم نے رمضان المبارک میں عوام کو ریلیف فراہم کرنے کے لیے خصوصی پیکج کے اجراء سے متعلق وزارتِ انفارمیشن ٹیکنالوجی کو ہدایات جاری کردیں۔
میڈیا رپورٹس کے مطابق رمضان ریلیف پیکج کے تحت مستحق خاندانوں کو مالی امداد فراہم کرنے کے لیے شارٹ کوڈ 9999 استعمال کیا جائے گا۔ وزارتِ آئی ٹی کو یہ ذمہ داری سونپی گئی ہے کہ وہ شارٹ کوڈ کے ذریعے رمضان پیکج سے متعلق پیغامات کی تصدیق کو یقینی بنائے۔
وزارتِ آئی ٹی کو موبائل نمبرز کو شناختی کارڈز کے ساتھ میچ کرنے کا بھی ٹاسک دیا گیا ہے تاکہ صرف مستحق افراد ہی اس سکیم سے مستفید ہو سکیں۔ اس کے علاوہ رمضان ریلیف پیکج کے انتظامات کو بہتر طریقے سے چلانے کے لیے این ٹی سی میں ایک کنٹرول روم قائم کیا جائے گا۔
وزیراعظم کے رمضان ریلیف پیکج کے تحت 39 لاکھ مستحق خاندانوں کو نقد رقم فراہم کی جائے گی۔ ہر مستحق خاندان کو ایک بار 5 ہزار روپےکی کیش مالی امداد دی جائے گی۔ اس پیکج کے لیے کل بجٹ 20 ارب 50 کروڑ روپےرکھا گیا ہے۔
اس بار رمضان ریلیف پیکج یوٹیلیٹی اسٹورز کے بجائے براہ راست نقد رقم کی صورت میں فراہم کیا جائے گا۔
By 
