اسلام آباد ہائیکورٹ بار ایسوسی ایشن انتخابات، واجد علی گیلانی صدارت کی نشست پر کامیاب

اسلام آباد ہائیکورٹ بار ایسوسی ایشن کے انتخابات میں صدارت کی نشست پر واجد علی گیلانی 974 ووٹ لیکر جیت گئے۔

عبدالواحد قریشی 704 ووٹ لیکر دوسرے نمبر پر رہے، منظور احمد ججہ 844 ووٹ لیکر سیکرٹری منتخب ہو گئے۔ سیکرٹری کی نشت پر قاسم نواز عباسی 828 ووٹ لیکر دوسرے نمبر پررہے۔

نائب صدارت کی نشست پر افتحار احمد باجوہ 896 ووٹ لیکر کامیاب قرار پائے۔ راجہ منظر علی کیانی 673 ووٹ لیکر دوسرے نمبر پر رہے۔

پاکستان کا سب سے جھوٹا شخص بانی پی ٹی آئی ہے، پرویز خٹک کا دعویٰ

ایڈیشنل سیکرٹری کی نشست پر بشریٰ حق راجہ 825 ووٹ لیکر کامیاب رہیں، پلوشہ ایاز خان 815 ووٹ لیکر دوسرے نمبر پر رہیں۔

جوائنٹ سیکرٹری کی نشست پر عمران اشفاق 955 ووٹ کے ساتھ کامیاب قرار پائے، سید ظاہر شاہ 655 ووٹ لیکر ہار گئے۔

فنانس سیکرٹری کی نشت پر 966 ووٹ لیکر فضل مولا کامیاب رہے جبکہ محسن عباسی 604 ووٹ لیکر دوسرے نمبر پر رہے۔