وزیر خزانہ محمد اورنگزیب نے آئندہ مالی سال 2026کے بجٹ میں تنخواہ دار طبقے پر بوجھ کم کرنے کا عندیہ دے دیا۔
تفصیلات کے مطابق لاہور میں میڈیا سے گفتگو میں وفاقی وزیر خزانہ سینیٹر محمد اورنگزیب کا کہنا تھا کہ اللہ کا لاکھ لاکھ شکر ہے کہ ملک کی معیشت میں استحکام آ رہا ہے، اسٹاک مارکیٹ اوپر جا رہی ہے ، کرنسی میں بھی استحکام ہے اور پالیسی ریٹ کی شرح بھی کمی آئی ہے ، ملکی معیشت کی بنیاد بن گئی ہے، اب ہمیں پائیدار ترقی کی طرف جانا ہوگا۔
ان کا کہنا تھا کہ آئندہ بجٹ سے قبل ہی تاجر برادری سے ملاقا توں کا آغاز کر دیا ہے ، فیڈرل بورڈ آف ریونیو(ایف بی آر )میں اصلاحات پر بھی کام جاری ہے، تنخواہ دار طبقے پر ٹیکسز کا بوجھ ہے، آنے والے بجٹ میں تنخواہ دار طبقے پر بوجھ کم کر یں گے۔ان کا کہنا تھاکہ پاکستا نی تاریخ میں پہلی مرتبہ ٹیکس نظام میں بہتری آئی ہے، ر ئیل اسٹیٹ میں بھی ٹیکس بہتری آئی ہے، ر ئیل اسٹیٹ انڈسٹری میں سٹہ بازی نہیں چلنے دیں گے۔
تعمیراتی سیکٹر کی سپورٹ کیلئے کام کر رہے ہیں۔ محمد اورنگزیب کا کہنا تھا کہ سعودی عرب، دبئی اور واشنگٹن میں سب سے ملاقاتیں ہوئیں، اوورسیز میں کوئی ناراضی نہیں ہے، ملک میں 35 ملین ڈالر تک زر مبادلہ آ چکا ہے، روشن ڈیجیٹل اکاؤنٹ میں بھی پہلے سے زیادہ اضافہ ہوا ہے۔آخر میں ایک سوال کے جواب میں وزیر خزانہ کا کہنا تھا ملک کو پرائیویٹ سیکٹر ہی آگے لے کر جائیگا۔
By 
