By ایران کی جانب سے آبنائے ہرمز کو مکمل طور پر کھولنے کے اعلان کے بعد وفاقی وزیر توانائی اویس لغاری نے پاکستان میں پیٹرول اور ڈیزل کی قیمتوں میں کمی کا اشارہ دے دیا ہے۔
سوشل میڈیا پلیٹ فارم ایکس پر اپنے پیغام میں اویس لغاری نے لکھا کہ “اللہ تعالیٰ کا شکر ہے کہ پاکستان کو ایک بڑا موقع ملا ہے۔ وزیرِ اعظم شہباز شریف اور فیلڈ مارشل سید عاصم منیر کی بھرپور کوششوں سے پاکستان عالمی امن کا علمبردار بنا۔”
انہوں نے مزید کہا کہ لبنان میں جنگ بندی کے بعد آبنائے ہرمز کو کمرشل آمد و رفت کے لیے کھول دیا گیا ہے، اور ان شاء اللہ ان کوششوں کی وجہ سے پیٹرول اور ڈیزل کی قیمتوں میں جلد کمی آئے گی۔
علاوہ ازیں اویس لغاری نے یہ بھی کہا کہ ایل این جی کی دستیابی سے ملک میں بجلی کی فراہمی میں بہتری آئے گی۔ انہوں نے اپنے پیغام کا اختتام کرتے ہوئے “پاکستان ہمیشہ زندہ باد” لکھا۔
یہ بھی پڑھیں: وفاقی وزیر داخلہ کی ایرانی ہم منصب سے ملاقات، علاقائی صورتحال پر تبادلہ خیال
اللہ تعالی کا شکر کہ پاکستان کو یہ موقع ملا کہ ہمارے وزیراعظم شہباز شریف اور فیلڈ مارشل سید عاصم منیر کی بھر پور کوششوں سے پاکستان عالمی امن کا علمبردار بنا ، لبنان میں جنگ بندی ہو ئی اور آبنائے ہرمز کمرشل آمد ورفت کیلیے آج کھل گئی ہے انشاءاللہ ان کوششوں کی وجہ سے پٹرول اور… pic.twitter.com/4lC3FS7Mwc
— Awais Leghari (@akleghari) April 17, 2026
