ملک بھر میں دو دن شدید بارشوں اور برفباری کی پیشگوئی

پی ڈی ایم اے پنجاب نے لاہور سمیت پنجاب کے مختلف اضلاع میں بارشوں بارے  الرٹ جاری کر دیا ہے۔

ڈی جی پی ڈی ایم اے عرفان علی کاٹھیا نے صوبہ بھر کے ڈپٹی کمشنرز کو الرٹ رہنے کی ہدایت کی ہے، ان کا کہنا تھا کہ ہنگامی صورتحال سے نمٹنے کے لیے متعلقہ محکمے الرٹ رہیں۔

صوبائی کنٹرول روم سمیت تمام اضلاع کے ڈسٹرکٹ ایمرجنسی آپریشن سنٹرز کو بھی الرٹ کر دیا گیا ہے۔ بارشوں کا سپیل 2 مارچ تک جاری رہنے کی پیشگوئی کی گئی ہے۔

گندم خراب ہونے کا کوئی خدشہ نہیں، حفاظتی اقدامات لئے گئے ہیں : شرجیل میمن

پی ڈی ایم اے کنٹرول روم میں صورتحال کی مانیٹرنگ چوبیسے گھنٹے جاری ہے۔ ڈی جی عرفان علی کاٹھیا نے 1122 سمیت دیگر ریسکیو اداروں سے کہا کہ مشینری سمیت عملے کو الرٹ رکھیں۔

نشیبی علاقوں سے پانی کی نکاسی کو جلد از جلد ممکن بنائیں۔ شہریوں کو ہدایت کی گئی کہ  وہ احتیاط کریں اور بجلی کے کھمبوں اور لٹکتی تاروں سے دور رہیں۔

عوام الناس کچے مکانات اور بوسیدہ عمارتوں سے دور رہیں۔ کہا گیا ہے کہ بچوں کا خاص خیال رکھیں انہیں نشیبی علاقوں میں جمع پانی کے قریب ہرگز نہ جانے دیں۔ ترجمان کا کہنا تھا کہ شہری مدد کیلئے پی ڈی ایم اے کی ہیلپ لائن 1129 پر کال کر سکتے ہیں۔

محکمہ موسمیات نے ملک بھر میں 2 اور 3 مارچ کو شدید بارشوں اور برفباری کی پیشگوئی کی ہے، کراچی، سندھ، بلوچستان، پنجاب، خیبرپختونخوا، گلگت بلتستان اور کشمیر میں موسلا دھار بارش کا امکان ہے۔

محکمہ موسمیات کے مطابق پہاڑی علاقوں میں شدید برفباری اور سیلابی صورتحال پیدا ہونے کا خدشہ ہے، میدانی علاقوں میں ژالہ باری اور تیز ہواؤں کے ساتھ بارش کا امکان ہے۔