دنیا بھر کے کن ممالک میں سب سے طویل اور کن ممالک میں مختصر ترین روزہ ہوگا؟

دنیا بھر کے وہ ممالک جہاں سب سے طویل اور وہ ممالک جہاں سب سے مختصر روزہ ہوگا۔

رمضان المبارک میں دنیا کے مختلف ممالک میں روزے کا دورانیہ جغرافیائی محل وقوع کی وجہ سے ایک دوسرے سے مختلف ہوتا ہے۔ رواں سال رمضان میں الجزائر میں سب سے طویل روزہ 16 گھنٹے 44 منٹ کا ہوگا، جب کہ بیشتر عرب ممالک میں روزہ 16 سے 17 گھنٹے کے درمیان رہے گا۔

مزید پڑھیں: رمضان المبارک کے آغاز پر ملک بھر میں بارشوں اور برفباری کی پیشگوئی

اسکینڈینیویا کے ممالک، جیسے سویڈن، ناروے اور فن لینڈ میں روزے کا دورانیہ خاص طور پر طویل ہوگا اور بعض علاقوں میں یہ 20 گھنٹے سے بھی زیادہ ہوگا۔ سویڈن کے کیرونا میں سورج چند منٹوں کے لیے غروب ہوتا ہے اور کچھ شمالی مقامات پر تو سورج غروب ہی نہیں ہوتا، جس کے سبب روزہ کا دورانیہ بہت زیادہ بڑھ جائے گا۔

دوسری جانب برازیل، زمبابوے اور پاکستان جیسے ممالک میں روزہ 12 سے 13 گھنٹے کے درمیان رہے گا۔ جنوبی افریقہ اور نیوزی لینڈ میں بھی روزے کا دورانیہ تقریباً 12 گھنٹے ہوگا۔

اس طرح دنیا بھر کے مسلمان مختلف ممالک میں مختلف اوقات میں روزہ رکھیں گے، جو ان کے جغرافیائی محل وقوع کی بنیاد پر مختلف تجربات کا باعث بنے گا۔