ترکیہ کے نوجوان اداکار محمد ایمرے اوشتپےکا دورہ پاکستان پرمحبتوں بھرا پیغام آگیا

ترکیہ کے نوجوان اداکار محمد ایمرے اوشتپےکا دورہ پاکستان پر محبتوں بھرا پیغام آگیا۔ ڈرامہ سیریزارطغل غازی میں ننھے کورلوس عثمان کا کردار ادا کرنے والے محمد ایمرے اوشتپے اس وقت دورہ پاکستان پر ہیں ۔

تفصیلات کے مطابق دورہ پاکستان کے دوران محمد ایمرے اوشتپے نے مختلف سیاحتی مقامات کا بھی وزٹ کیا۔ اداکار محمد ایمرے اوشتپے نے اپنے جذبات کا اظہار کرتے ہوئےکہا کہ مجھے پاکستان آ کر بہت خوشی ہوئی ۔ پاکستانیوں کی محبت نے مجھے بہت متاثر کیا ہے ۔

محمد ایمرے اوشتپےنے کہا کہ مجھے خوشی ہے کہ پاکستانی عوام نے ارطغرل ڈرامہ کو اتنا پسند کیا اور سراہا ۔ پاکستان کے خوبصورت مقامات دیکھ کر میں بہت محظوظ ہوا اور پاکستانی ثقافت سے بھی بہت کچھ سیکھا۔

مجھے امید ہے کہ مستقبل میں پاکستان اور ترکیہ مشترکہ پراجیکٹس پر کام کریں گے ۔میں پاکستانی عوام کی ترکیہ کے لئےمحبت اور ترکیہ کے ڈراموں کو سپورٹ کرنے پر تہہ دل سے شکر گزار ہوں ۔