صرف 4,700 روپے ماہانہ قسط پر ہونڈا موٹر سائیکل گھر لے جائیں، خریداروں کے لیے بڑی خوشخبری

پاکستان میں ہونڈا موٹر سائیکل خریدنے کے خواہشمند افراد کے لیے خوشخبری ہے مختلف بینکوں نے آسان اقساط پر موٹر سائیکل فراہم کرنے کی سہولت متعارف کر رکھی ہے جس کے تحت صارفین محدود ڈاؤن پیمنٹ اور ماہانہ اقساط کے ذریعے اپنی پسند کی ہونڈا موٹر سائیکل حاصل کر سکتے ہیں۔

بینکاری ذرائع کے مطابق میزان بینک اپنی اسلامی فنانسنگ اسکیم اپنی بائیک کے تحت ہونڈا سمیت مختلف کمپنیوں کی موٹر سائیکلیں آسان اقساط پر فراہم کر رہا ہے۔ اس اسکیم میں صارف کو موٹر سائیکل کی قیمت کا کم از کم 15 سے 20 فیصد بطور ڈاؤن پیمنٹ ادا کرنا ہوتا ہے جبکہ باقی رقم ایک سے تین سال تک کی مدت میں ماہانہ اقساط کے ذریعے ادا کی جاتی ہے۔ اقساط کی ادائیگی صارف کے میزان بینک اکاؤنٹ سے خودکار طریقے سے کی جاتی ہے۔

اسی طرح بینک الفلاح بھی اپنے کریڈٹ کارڈ ہولڈرز کے لیے منتخب اٹلس ہونڈا شورومز پر بعض موٹر سائیکل ماڈلز کی خریداری پر اقساط کی سہولت فراہم کر رہا ہے۔ اس اسکیم میں قسطوں کی مدت عموماً 3 سے 36 ماہ تک رکھی گئی ہے تاہم پروسیسنگ فیس اور دیگر شرائط لاگو ہوتی ہیں۔ بعض پروموشنل آفرز میں ماہانہ اقساط تقریباً 5,975 روپے سے شروع ہونے کا بھی اعلان کیا گیا ہے تاہم یہ رقم موٹر سائیکل کے ماڈل اور مدت کے مطابق تبدیل ہوتی ہے۔

 سب سے زیادہ طلب ہونڈا CD 70 اور CG 125 کی ہے۔ مثال کے طور پر اگر CG 125 کی قیمت تقریباً 2 لاکھ 38 ہزار سے 2 لاکھ 40 ہزار روپے ہو تو ڈاؤن پیمنٹ اور فنانسنگ کی مدت کے لحاظ سے ماہانہ قسط تقریباً 6 ہزار سے 24 ہزار روپے تک ہو سکتی ہے جبکہ CD 70 کی اقساط اس سے کم بنتی ہیں۔ حتمی رقم بینک، ڈاؤن پیمنٹ فنانسنگ کی مدت اور متعلقہ آفر پر منحصر ہوتی ہے۔

میزان بینک اپنی بائیک اسکیم کے تحت ہونڈا موٹر سائیکلوں کی تخمینی اقساط کا چارٹ دیا جا رہا ہے بینک کی اصل قسط ڈاؤن پیمنٹ (15% تا 50%)، مدت، تکافل اور دیگر شرائط کے مطابق مختلف ہو سکتی ہے۔ میزان بینک قسط معلوم کرنے کے لیے اپنا آفیشل کیلکولیٹر بھی فراہم کرتا ہے۔

میزان بینک اپنی بائیک فنانسنگ  آفیشل شرائط

یہ بھی پڑھیں:موٹر سائیکل اور گاڑی مالکان خبردار، آج سے بڑا کریک ڈاؤن شروع

موٹر سائیکل حاصل کرنے کا طریقہ کار

آسان اقساط پر ہونڈا موٹر سائیکل لینے کے لیے درخواست گزار کو متعلقہ بینک کی برانچ یا مجاز ڈیلر سے درخواست فارم حاصل کرنا ہوتا ہے۔ درخواست کے ساتھ قومی شناختی کارڈ، حالیہ تصاویر، گزشتہ چند ماہ کا بینک اسٹیٹمنٹ، تنخواہ سلپ یا آمدنی کا ثبوت اور دیگر مطلوبہ دستاویزات جمع کرائی جاتی ہیں۔ بینک کی منظوری کے بعد صارف ڈاؤن پیمنٹ جمع کراتا ہے جس کے بعد موٹر سائیکل کی ڈیلیوری کر دی جاتی ہے۔

بینکوں کے مطابق فنانسنگ کی منظوری عموماً 5 سے 7 ورکنگ ڈیز میں مکمل ہو جاتی ہے جبکہ موٹر سائیکل کی دستیابی کا انحصار منتخب ماڈل اور ڈیلر کے اسٹاک پر ہوتا ہے۔