میر مرتضیٰ بھٹو کے صاحبزادے ذوالفقار علی بھٹو جونیئرنے سیاست میں آنے کا عندیہ دے دیا ہے ۔
تفصیلات کے مطابق ذوالفقار علی بھٹو جونیئر نے اپنے بیان میں کہا کہ پاکستان پیپلز پارٹی (پی پی پی) کے شہید بھٹو گروپ سے سیاست کا آغاز کروں گا، یہ درست ہے کہ میں ملکی سیاست میں آنے کا یقینی ارادہ رکھتا ہوں ۔
انہوں نے کہا کہ اس جماعت کی بنیاد میرے بابا میر مرتضیٰ بھٹو نے رکھی تھی، وہ پارٹی ابھی تک موجود ہے اور ہم اس کی قیادت کریں گے، انہوں نے کہا کہ مجھے اپنے ملک سے اور لوگوں سے بہت کچھ سیکھنے کا موقع ملے گا کیونکہ مجھے نہیں لگتا کہ میں سب کچھ جانتا ہوں میں اس کیلئے بھر پورتیاریاں کر رہا ہوں۔
انہو ں نے کہا کہ سندھ میں متنازع نہروں کا معاملہ، لوگوں کی زندگی اور موت کا مسئلہ ہے، سندھ میں پانی نہیں ہوگا تو انسان اور جنگی آبی حیات زندہ نہیں رہ سکیں گے۔ ذوالفقار جونیئر نے اس صورتحال کو ثقافتی نسل کشی سے بھی تعبیر کیا۔
ایک سوال کے جواب میں ان کا کہنا تھا کہ سندھ میں حکومت ابھی کانپ رہی ہے کیونکہ انہوں نے دیکھا ہے کہ کتنے لوگ احتجاج کر رہے ہیں جن میں سکول کے بچے و خواتین بھی شامل ہیں اس لئے یہ بیانیہ تبدیل کررہے ہیں۔
By 
