بھارت کی خفیہ ایجنسی’’ را ‘‘پاکستان میں دہشت گردوں کی ماں ہے، راناثناء اللہ

وزیراعظم کے مشیر رانا ثناء اللہ نے کہا ہے کہ بھارت کی خفیہ ایجنسی’’ را ‘‘پاکستان میں دہشت گرد حملوں کے نیٹ ورک کو آگے بڑھا رہی ہے۔

فیصل آباد میں میڈیا سے گفتگو کےدوران رانا ثناء اللہ نے کہا کہ بلوچستان میں بڑے پیمانے پر فوجی آپریشن کی ضرورت نہیں ہے، دہشت گردوں کا صفایا کرنے کے لیے فوجی آپریشن پہلے ہی زوروں پر ہے۔

یہ بھی پڑھیں:پنجاب کے کتنے فیصد عوام مریم نواز کی کارکردگی سے مطمئن ہیں؟، سروے رپورٹ سامنے آ گئی

انہوں نے کہا کہ پاکستان کی سکیورٹی فورسز دہشت گردوں کے خلاف روزانہ آپریشنز کر رہی ہیں۔ انہوں نے کہا کہ ملک کی سکیورٹی فورسز نے بہت سے حملوں کو کامیابی کے ساتھ روک دیا ہے، جس نے کسی جامع آپریشن کی ضرورت کے بغیر سکیورٹی چیلنجوں سے نمٹنے کی اپنی صلاحیت کا مظاہرہ کیا۔

مسلح افواج ہر روز انٹیلی جنس کی بنیاد پر آپریشن کر رہی ہیں۔ درجنوں آپریشن کئے جا رہے ہیں اور دہشت گردوں کو ان کے انجام تک پہنچایا جا رہا ہے انہوں نےکہا کہ ہندوستان کی انٹیلی جنس ایجنسی، ریسرچ اینڈ اینالائسز ونگ ’’را‘‘دہشت گرد عناصر کو فنڈنگ اور مسلح کرکے پاکستان کو غیر مستحکم کرنے میں سرگرم عمل ہے۔

یہ بھی پڑھیں:روزے 30 ہوں گے یا 29؟ عید الفطر کی ممکنہ تاریخ سامنے آگئی

انہوں نے’’ را ‘‘کو دہشت گردوں کی ماںقرار دیا، جو پاکستان کے اندر کام کرنے والے مختلف عسکری دھڑوں کو اکٹھا کرنے کیلئے ذمہ دار ہے۔’’ انہوں نے دعویٰ کیا۔’’را‘‘ کے ایجنٹ عسکریت پسند تنظیموں کو فنڈنگ، ہتھیار اور مدد فراہم کر رہے ہیں۔