حکومت بہت جلد ٹیکسز میں بھی کمی لانے جا رہی ہے، رانا تنویر حسین

وفاقی وزیر صنعت رانا تنویر حسین نے کہا ہے کہ حکومت بہت جلد ٹیکسز میں بھی کمی لانے جا رہی ہے۔

انہوں نے کہا کہ وزیر اعظم شہباز شریف نے بجلی کی قیمت کم کرکے عوام کا دیرینہ مطالبہ پورا کردیا ہے اور دل جیت لئے ہیں۔

ممتاز مذہبی سماجی شخصیت تنظیم الاخوان کے مرکزی رہنما قاری محمد رمضان کی قیادت میں ملنے والے وفد سے گفتگو کرتے انہوں نے کہا کہ وزیر اعظم شہباز شریف نے آج تک عوام سے جو بھی وعدہ کیا وہ پورا کیا ہے۔

وزیراعظم کے بعد نیپرا نے بھی بجلی صارفین کو بڑی خوشخبری سنا دی

انہوں نے کہا کہ بجلی کی قیمت کم ہونے سے معیشت کی بحالی میں بہتری آئے گی، معیشت کا پہیہ چلے گا تو ملک میں معاشی خوشحالی آئے گی۔

ان کا کہنا تھا کہ معیشت کی بہتری کیلئے شرح سود بیس سے بارہ فیصد پر لائے، ٹارگٹ صفر تک لانا ہے، حکومت بہت جلد ٹیکسز میں بھی کمی لانے جارہی ہے۔