کوئٹہ بڑی تباہی سے بچ گیا، سی ٹی ڈی کی بڑی اور کامیاب کارروائی

سی ٹی ڈی کی بڑی اور کامیاب کارروائی نے کوئٹہ کو بڑی تباہی سے بچا لیا۔

سی ڈی ٹی بلوچستان نے کوئٹہ کو خطرناک دہشت گردی سے بچا لیا۔ سی ٹی ڈی بلوچستان کے مطابق سریاب روڈ ایریا سے اسلحہ اور گولہ بارود کا بڑا ذخیرہ برآمد ہوا ہے۔

اس ذخیرہ میں آئی ای ڈیز، خودکار ہتھیار، دستی بم اور مختلف قسم کا گولہ بارود شامل ہے۔ سی ٹی ڈی نے مقامی و انٹیلیجینس لیڈ پر پیشگی کارروائی کی۔

بجلی کی قیمتوں میں کمی سے مہنگائی مزید کم ہو گی، نواز شریف

انٹیلیجینس لیڈ نے مشکوک نقل و حرکت اور اسلحہ و بارود اسٹوریج کی طرف اشارہ دیا۔ سی ٹی ڈی کے فوری ردعمل اور پیشہ ورانہ عمل نے ایک تباہ کن حملے کو موثر طریقے سے روک دیا ہے۔

سی ٹی ڈی بلوچستان کا کہنا ہے کہ ابتدائی تحقیقات کے مطابق دہشت گرد آئندہ 24 سے 72 گھنٹوں میں بڑے دہشت گردانہ حملے کی منصوبہ بندی کر رہے تھے۔

2 مشکوک افراد کو گرفتار کر لیا گیا ہے اور دیگر کی گرفتاری کے لیے چھاپے مارے جا رہے ہیں۔ سی ٹی ڈی کا کہنا ہے کہ کوئٹہ/بلوچستان کا امن خراب کرنے کی کسی کو اجازت نہیں دی جائے گی۔