پیٹرول کتنا سستا ہوگا؟ تفصیلات سامنے آگئیں

عالمی منڈی میں خام تیل کی قیمتوں میں کمی کے باعث پاکستان میں پیٹرول کی قیمت میں نمایاں کمی جبکہ ہائی اسپیڈ ڈیزل کی قیمت میں اضافے کا امکان ظاہر کیا جا رہا ہے۔ ذرائع کے مطابق نئی پیٹرولیم مصنوعات کی قیمتوں کا اطلاق 4 جولائی سے متوقع ہے۔

ابتدائی تخمینوں کے مطابق پیٹرول کی قیمت میں 12 روپے فی لیٹر تک کمی کی جا سکتی ہے، جبکہ ہائی اسپیڈ ڈیزل 4 روپے 22 پیسے فی لیٹر مہنگا ہونے کا امکان ہے۔

ذرائع کا کہنا ہے کہ عالمی منڈی میں عرب لائٹ خام تیل کی قیمت میں 6.29 فیصد کمی ریکارڈ کی گئی ہے، جس کے باعث پیٹرول کی قیمت کم ہونے کی توقع ہے۔ دوسری جانب ہائی اسپیڈ ڈیزل کے اسپریڈ میں اضافے کی وجہ سے اس کی قیمت بڑھنے کا امکان ظاہر کیا جا رہا ہے۔

یہ بھی پڑھیں:ایران کے شہید سابق رہبرِ اعلیٰ خامنہ ای کی تجہیز وتدفین کی 7 روزہ رسومات، کب ، کہاں کیا ہو گا؟

مجوزہ قیمتوں کے مطابق پیٹرول کی نئی قیمت 287 روپے 61 پیسے فی لیٹر جبکہ ہائی اسپیڈ ڈیزل کی قیمت 315 روپے 69 پیسے فی لیٹر مقرر کیے جانے کی تجویز زیر غور ہے۔

تاہم حتمی قیمتوں کا اعلان وفاقی حکومت کی منظوری کے بعد کیا جائے گا، جس کے بعد نئی قیمتوں کا باضابطہ نوٹیفکیشن جاری ہونے کا امکان ہے۔

یہ بھی پڑھیں: پٹرول سستا ہونے کے بعد سولر پلیٹس کی قیمتوں سے متعلق بڑی خبر