زرمبادلہ کے ملکی ذخائر میں بڑا اضافہ ہو گیا

زرمبادلہ کے ملکی ذخائر میں بڑا اضافہ ہو گیا۔

زرمبادلہ کے ملکی ذخائر میں جاری مالی سال کے دوران مجموعی طور پر 2.640 ارب ڈالر کا اضافہ ریکارڈ کیا گیا ہے۔

اسٹیٹ بینک کے اعداد و شمار کے مطابق گزشتہ مالی سال کے اختتام پر زرمبادلہ کے ملکی ذخائر کا حجم 13.997 ارب ڈالر ریکارڈ کیا گیا تھا جس میں اسٹیٹ بینک کے زرمبادلہ کے ذخائر کا حجم 9.390 ارب ڈالر اور کمرشل بینکوں کے پاس زرمبادلہ کے ذخائر کا حجم 4.607 ارب ڈالر ریکارڈ کیا گیا تھا۔

ملک کے مختلف شہروں میں سیمنٹ کی قیمت میں ملا جلا رجحان، کہیں سستا تو کہیں مہنگا

23 مئی کو ختم ہونے والے ہفتے میں زرمبادلہ کے ملکی ذخائر کا حجم 16.637 ارب ڈالر ریکارڈ کیا گیا، جس میں اسٹیٹ بینک کے پاس زرمبادلہ کے ذخائر کا حجم 11.516 ارب ڈالر اور کمرشل بینکوں کے پاس 5.121 ارب ڈالر ریکارڈ کیا گیا۔

جاری مالی سال کے پہلے گیارہ ماہ میں اسٹیٹ بینک کے زرمبادلہ کے ذخائر میں مجموعی طور پر 2.126 ارب ڈالر اور بینکوں کے زرمبادلہ کے ذخائر میں 514 ملین ڈالر کا اضافہ ریکارڈ کیا گیا۔