ڈونلڈ ٹرمپ جہاز کی سیڑھیاں چڑھتے ہوئے لڑکھڑا گئے

ویب ڈیسک: امریکی صدر ڈونلڈ ٹرمپ ائیر فورس ون کی سیڑھیاں چڑھتے ہوئے لڑکھڑا گئے۔

برطانوی میڈیا کے مطابق یہ واقعہ اس وقت پیش آیا جب ٹرمپ نیوجرسی میں چھٹیاں گزارنے کے بعد واشنگٹن ڈی سی واپس جا رہے تھے۔

طیارے میں سوار ہونے کے دوران وہ سیڑھیاں چڑھتے ہوئے لڑکھڑائے، تاہم فوری طور پر خود کو سنبھالا اور سیڑھیاں چڑھتے ہوئے طیارے کے دروازے تک پہنچے، جہاں انہوں نے ایئرپورٹ پر موجود افراد کو ہاتھ بھی ہلایا۔

pic.twitter.com/zCMoWBwu9o

— Crannofonix (@CrannofonixNews) June 8, 2025

خیال رہے کہ ڈونلڈ ٹرمپ رواں ماہ 79 برس کے ہو جائیں گے۔

یہ بھی پڑھیں: امریکی صدر ڈونلڈ ٹرمپ کی ایلون مسک کو سنگین نتائج کی دھمکی

یاد رہے کہ گزشتہ سال جولائی میں پنسلوینیا میں ایک انتخابی ریلی کے دوران ان پر قاتلانہ حملہ بھی ہوا تھا، جس میں ان کا کان گولی لگنے سے معمولی زخمی ہوا تھا۔