ریکوڈک منصوبے سے پاکستان کو کتنے ارب ڈالر حاصل ہوں گے، وزیر خزانہ کا بجٹ تقریر میں اعلان

وزیرِ خزانہ محمد اورنگزیب نے کہا ہے کہ ریکوڈک منصوبے سے ملک کو 75 ارب ڈالرز حاصل ہوں گے۔

ان کا کہنا تھا کہ جو منی بجٹ کا ڈھنڈورا پیٹ رہے تھے کوئی منی بجٹ نہیں آیا، نہ ہی کوئی اضافی ٹیکس لگایا گیا۔

کمرشل جائیدادوں، پلاٹوں اور گھروں کی ٹرانسفر پر فیڈرل ایکسائز ڈیوٹی ختم

وفاقی بجٹ پیش کرتے ہوئے وزیرخزانہ نے کہا کہ ریکوڈک میں تانبے اور سونے کی کانیں ہمارے مستقبل کا اہم اثاثہ ہیں، ریکوڈک منصوبے کی متوقع کان کنی کی مدت 37 سال ہے۔

ان کا کہنا تھا کہ ریکوڈک منصوبے سے ملک کو 75 ارب ڈالرز حاصل ہوں گے، ریکوڈک سے پورٹ قاسم اور گوادر تک سڑک اور ریل کے ذریعے نقل و حمل کے بنیادی ڈھانچے کی تعمیر جاری ہے۔ انہوں نے اس منصوبے کو پاکستان کیلئے گیم چینجر کہا۔