مائیکروسافٹ پاکستان سے اپنا کاروبار نہیں سمیٹ رہی،بھارت کا جھوٹ پر مبنی پروپیگنڈہ بے نقاب

مائیکروسافٹ پاکستان سے اپنا کاروبار نہیں سمیٹ رہی، آزاد فیکٹ چیک نے بھارت کا جھوٹ پر مبنی پروپیگنڈہ بے نقاب کردیا۔

آزاد اردو نے وزارت آئی ٹی کے ایک اعلیٰ عہدیدار سے بات کی جنہوں نے تصدیق کی کہ مائیکروسافٹ پاکستان میں اپنا لائژن آفس بند کر رہا ہے لیکن یہ قدم کسی مقامی مسئلے کی وجہ سے نہیں بلکہ کمپنی کی عالمی سطح پر تنظیمِ نو (restructuring)  حکمت عملی کا حصہ ہے۔مائیکروسافٹ پاکستان میں اپنی سرگرمیاں مکمل طور پر بند نہیں کر رہی بلکہ مقامی سرٹیفائیڈ پارٹنرز کے ذریعے اپنی سروسز جاری رکھے گا۔

وزارت کے اعلیٰ عہدیدار نے آزاد اردو کو بتایا کہ یہ اقدام مائیکروسافٹ کی دنیا بھر میں اپنے کاروباری ماڈل کی تبدیلی کا حصہ ہے  جس میں وہ روایتی سافٹ ویئر سیلز سے کلاؤڈ بیسڈ اور پارٹنر لیڈ ماڈل کی طرف جا رہے ہیں۔ یہ کسی مخصوص ملک سے پیچھے ہٹنے کی پالیسی نہیں بلکہ ایک عالمی تبدیلی ہے۔

مائیکروسافٹ پہلے ہی گزشتہ کچھ برسوں میں پاکستان کے لیے اپنے لائسنسنگ اور کنٹریکٹ سے متعلق امور آئرلینڈ کے یورپی دفتر منتقل کر چکا ہے۔

اب پاکستان میں مائیکروسافٹ کی سروسز اور سپورٹ  کمپنی کے سرٹیفائیڈ پارٹنرز کے ذریعے فراہم کی جاتی ہیں، اور یہ سلسلہ مستقبل میں بھی جاری رہے گا۔

سوشل میڈیا پر چلنے والی یہ خبریں کہ مائیکروسافٹ پاکستان سے مکمل طور پر جا رہا ہے، غلط اور گمراہ کن ہیں۔ ایک بھارتی ہینڈل سے بھی ایسی گمراہ کن پوسٹ کی گئی ہے جس کا حقیقت سے کوئی تعلق نہیں ہے ۔

Azaad Fact Check has debunked fake news spread by an India-based X handle claiming Microsoft is leaving Pakistan. Microsoft employs only five people in Pakistan and relies on certified partners, who will continue operations. In contrast, Microsoft employs approximately 18,000… https://t.co/ENgDqGVCXU pic.twitter.com/ess6sBiwWa

— Azaad Fact Check (@azaadfactcheck) July 4, 2025

یہ خبر بھی پڑھیں :آزاد فیکٹ چیک نے بھارتی پائلٹ سے متعلق جھوٹے دعوے کا پول کھول دیا

اصل حقیقت یہ ہے کہ مائیکروسافٹ صرف پاکستان میں اپنا دفتر بند کر رہی ہے، لیکن کمپنی کے شراکت دار  ملک میں کام کرتے رہیں گے۔

وزارتِ آئی ٹی و ٹیلی کمیونیکیشن کا کہنا ہے کہ وہ مائیکروسافٹ جیسے عالمی ٹیکنالوجی پارٹنرز کے ساتھ مضبوط تعلقات قائم رکھنےکیلئے پُرعزم ہے تاکہ پاکستان کی ڈیجیٹل ترقی کو فروغ دیا جا سکے۔مائیکروسافٹ کے پاکستان میں صرف 5 ملازمین ہیں۔

بھارت میں کمپنی کے تقریباً 18,000 ملازمین ہیں  اور 9,000 ملازمین کی ممکنہ برطرفی سے بھارت زیادہ متاثر ہوگا۔پاکستان میں مائیکروسافٹ کے تمام کاروباری امور مقامی سرٹیفائیڈ پارٹنرز سنبھالتے ہیں  اور یہ نظام جاری رہے گا۔

مائیکروسافٹ پاکستان نہیں چھوڑ رہی۔ کمپنی صرف اپنا مقامی دفتر بند کر رہی ہے  اور اپنی خدمات مقامی شراکت داروں کے ذریعے جاری رکھے گی۔

پاکستان کی وزارتِ آئی ٹی و ٹیلی کمیونیکیشن عالمی سطح کی ٹیکنالوجی کمپنیوں کی ملک میں موجودگی کو نہایت اہم اور اسٹریٹجک قدر کی حامل سمجھتی ہے۔ وزارت مائیکروسافٹ کی علاقائی اور عالمی قیادت سے مسلسل رابطے میں ہے تاکہ اس بات کو یقینی بنایا جا سکے کہ کوئی بھی انتظامی تبدیلی پاکستانی صارفین، ڈویلپرز اور چینل پارٹنرز کے لیے مائیکروسافٹ کے طویل مدتی عزم کو کمزور کرنے کے بجائے مزید مستحکم کرے۔