سٹاک مارکیٹ میں ایک اور تاریخ ساز دن ! ایک لاکھ 38 ہزار پوائنٹس کی حد عبور

پاکستان سٹاک ایکسچینج نے نیا سنگ میل عبور کر لیا جہاں 100 انڈیکس ایک لاکھ 38 ہزار  کی بلند ترین سطح پر پہنچ گیا۔

کاروباری ہفتے کے چوتھے روز کاروبار کے آغاز پر سٹاک ایکسچینج میں زبردست تیزی دیکھنے میں آئی، 1700 سے زائد پوائنٹس اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 38 ہزار 133 پوائنٹس کی سطح پر پہنچ گیا۔

گزشتہ روز کاروباری دن کے اختتام پر 100انڈیکس ایک لاکھ ، 36 ہزار 380 کی سطح پر بند ہوا تھا۔

صارفین کے لیے بُری خبر، یوٹیلٹی اسٹورز بند کرنے کی آخری تاریخ کا اعلان ہوگیا

دوسری جانب انٹر بینک میں روپے کے مقابلے میں ڈالر 12 پیسے سستا ہو گیا جس کے بعد انٹر بینک میں ڈالر 284 روپے 84 پیسے پر ٹریڈ کر رہا ہے۔