وفاقی حکومت کا فیڈرل کانسٹیبلری میں ملک بھر سے بھرتیوں کا اعلان

ملک میں سیکیورٹی کو مضبوط بنانے کے لیے وفاقی حکومت نے اپ گریڈ شدہ فیڈرل کانسٹیبلری (ایف سی) میں 3,229 نئے کانسٹیبلز کی بھرتی کی منظوری دے دی ہے۔

یہ بھی پڑھیں:ٹول پلازہ میں آسامیوں پر بھرتیاں شروع تنخواہ 69 ہزار تک ، تفصیلات جانئے

میڈیا رپورٹ کے مطابق یہ فیصلہ گزشتہ ماہ جاری ہونے والے صدارتی آرڈیننس کے بعد سامنے آیا ہے، جس کے تحت سابقہ فرنٹیئر کانسٹیبلری کو مکمل وفاقی فورس میں تبدیل کر دیا گیا تھا، جسے پورے ملک میں اختیارات حاصل ہوں گے۔ اس اقدام کا مقصد داخلی سیکیورٹی کو بہتر بنانا اور قانون نافذ کرنے والے اداروں کی صلاحیتوں میں اضافہ کرنا ہے۔

وفاقی حکومت نے ملک بھر سے مساوی نمائندگی کو یقینی بنانے کے لیے صوبہ وائز اور علاقہ وائز کوٹہ مقرر کیا ہے

پنجاب 20فیصد کوٹہ – 646 کانسٹیبلز

سندھ 20فیصد کوٹہ – 646 کانسٹیبلز

بلوچستان 20فیصد کوٹہ – 646 کانسٹیبلز

خیبرپختونخوا 20فیصد کوٹہ – 646 کانسٹیبلز

آزاد جموں و کشمیر (اے جے کے)  10فیصد کوٹہ – 323 کانسٹیبلز

گلگت بلتستان 6فیصد کوٹہ – 193 کانسٹیبلز

اسلام آباد کیپیٹل ٹیریٹری 4فیصد کوٹہ – 129 کانسٹیبلز

اہلیت کے معیار، بھرتی کے لیے امیدواروں کے لیے درج ذیل شرائط رکھی گئی ہیں

عمر کی حد: 18 سے 22 سال

تعلیمی قابلیت: کم از کم میٹرک (سیکنڈ ڈویژن)، انٹرمیڈیٹ یا مساوی تعلیم

کم از کم قد

مرد امیدواروں کے لیے: 5 فٹ 10 انچ

خواتین امیدواروں کے لیے: 5 فٹ 5 انچ

تمام امیدواروں کو بھرتی کے عمل میں جسمانی فٹنس ٹیسٹ اور تحریری امتحان پاس کرنا ہوگا۔

اپ گریڈ شدہ فیڈرل کانسٹیبلری کو ملک میں امن و امان قائم رکھنے، داخلی خطرات سے نمٹنے اور صوبائی فورسز کی معاونت میں کلیدی کردار ادا کرنے کے لیے تیار کیا جا رہا ہے۔