سیلاب سے متاثرہ علاقوں میں وبائی امراض میں ممکنہ اضافہ: ڈبلیو ایچ او نے خبردار کردیا

پاکستان میں سیلاب کے باعث متاثرہ علاقوں میں وبائی امراض میں ممکنہ اضافے کے حوالے سے عالمی ادارہ صحت کی جانب سے خبردار کیا گیا ہے۔ 

عالمی ادارہ صحت کی رپورٹ کے مطابق پاکستان میں سیلاب کے بعد ڈینگی کے کیسز میں 41 فیصد اور ملیریا میں 26 فیصد اضافہ ہوا ہے۔

رپورٹ میں بتایا گیا ہے کہ بلوچستان اور سندھ میں ہیضہ پھیل رہا ہے جب کہ خیبر پختونخوا میں خارش، جلدی امراض، سانپ اور کتوں کے کاٹنے کے کیسز بڑھ گئے ہیں۔

عالمی ادارہ صحت نے خبردار کیا ہے کہ فوری اقدامات نہ کیے گئے تو پاکستان کا صحت کا نظام وباؤں کے بوجھ تلے دب سکتا ہے۔