‘میچ ہارگئے توکیا ہوا جنگ توہم جیتے’، پاک بھارت میچ کے بعد پاکستانی شائقین کے دلچسپ تبصرے

ایشیا کپ ٹی ٹوئنٹی ٹورنامنٹ 2025 کے چھٹے میچ میں بھارت کے ہاتھوں پاکستان کی 7 وکٹوں سے شکست کے بعد سوشل میڈیا پر صارفین سرگرم ہوگئے  پاکستانی شائقین کرکٹ کی جانب سے ہائی وولٹیج میچ کے بعد دلچسپ تبصرت سامنے آئے ہیں۔

روایتی حریف کے ہاتھوں شکست کے بعد بھی پاکستانی شائقین مایوس نہ ہوئے اور سوشل میڈیا پر دلچسپ تبصرے کیے اور بھارتیوں کو رواں سال مئی کے مہینے میں پاک فوج کے ہاتھوں عبرتناک شکست اور 0-6 یاد دلادی۔

ایک صارف نے ایکس پر پوسٹ میں لکھا کہ ‘میچ جیتے یا ہاریں، جنگ تو ہم جیتے ہیں’۔ ایک اور صارف نے لکھا کہ ‘ آپ لوگوں کو ایک بار پھر سے بتادوں کہ اصل جنگ تو ہم ہی جیتے ہیں’۔

ایک صارف نے ایکس پر پوسٹ کیاکہ ‘میچ ہار گئے تو کیا ہوا جنگ تو ہم جیتے ہیں نا’۔ ہائی وولیٹیج میچ کے بعد پاکستانی شائقین کرکٹ ہار کے باوجود اپنی ٹیم سے خاصےمایوس نظر آئے لیکن بھارتی شائقین کو سوشل میڈیا پر آڑے ہاتھوں لیا  اور بھارتی سوشل میڈہا صارفین کو 6:0  یاد کرواتے رہے۔

یاد رہے کہ پاکستان نے 7 مئی کو بھارت کے 3 رافیل سمیت 6 طیارے مار گرائے تھے جس پر بھارتی فضائیہ کو دنیا بھر میں شدید سبکی کا سامنا کرنا پڑا تھا۔

میچ کے بعد ایک پر ایک صارف نے لکھا کہ ‘ بھارتی ٹیم نے میچ کے بعد پاکستانی کھلاڑیوں سے ہاتھ نہیں ملایا کیونکہ بھارت ابھی تک پاکستان کی جان سے اپنے رافیل گرائے جانے پر ناراض ہے’۔

ایک اور صارف نے لکھا کہ میچ بعد پاکستانی کھلاڑیوں سے ہاتھ نہ ملانے سے آپ کے رافیل واپس نہیں آئیں گے۔ معروف ٹی وی میزبان وقار ذکا نےکہا کہ میچ ہارنے پر پریشان ہونےکی ضرورت نہیں کیونکہ ہمارا کام کرکٹ کھیلنا نہیں ہے ہمارا کام رافیل گرانا ہے۔