عالمی منڈی اور پاکستان میں سونےکی قیمت آسمان پر ، فی تولہ میں اضافے کا نیا ریکارڈ قائم ہوگیا۔
آل صرافہ ایسوسی ایشن کےمطابق پاکستان میں 24 کیرٹ فی تولہ سونے کے دام 4700 روپے بڑھ کر 391000 روپے ہوگئے۔
اس کے علاوہ دس گرام سونے کے بھائو 4030 روپے کے اضافے سے 335219 روپے ریکارڈ کئے گئے،جبکہ فی تولہ چاندی کی قیمت 53 روپے بڑھکر 4496 روپےکی ریکارڈ سطح پر پہنچ گئی ہے۔
دوسری جانب انٹرنیشنل گولڈ مارکیٹ میں فی اونس سونا 49 ڈالر مہنگا ہوکر 3692 ڈالر کا ہوگیا ہے۔
یاد رہے کہ پاکستان سمیت بین الاقوامی مارکیٹ میں سونے کی قیمت میں کبھی کمی اور کبھی اضافہ دیکھنے کو مل رہا ہے اور کچھ بین الاقوامی فنانشل ادارے رواں سال اس قیمتی دھات کے نرخ مزید بڑھنے کی پیش گوئی کر رہے ہیں۔
ماہرین کا کہنا ہے کہ حالیہ دنوں میں عالمی معیشت میں عدم استحکام، ڈالر کی قدر اور سود کی شرح میں ممکنہ تبدیلی جیسے عوامل کے باوجود سونے کی قیمتیں حیرت انگیز طور پر مستحکم رہی ہیں۔
دنیا بھرمیں سونے کے ذخائر کے حوالے سے امریکا پہلے نمبر پرہے جبکہ ایشیا میں یہ اعزاز چین کے پاس ہے،بھارت عالمی سطح پر آٹھویں اورایشیا میں دوسرے نمبر پر ہے، پاکستان عالمی فہرست میں 49 ویں نمبر ہے۔
رپورٹ کے مطابق امریکا، جرمنی اور اٹلی سونے کے ذخائر کے حوالے سرفہرست ہیں، ایشیاء میں چین اور بھارت سونے کے سب سے زیادہ ذخائر رکھتے ہیں۔
ورلڈ گولڈ کونسل کے مطابق مختلف ممالک کے مرکزی بینکوں نے 2024ء میں 1,000 میٹرک ٹن سے زائد سونا خریدااور پچھلی دہائی کی اوسط سالانہ خریداری کے تقریباً دگنا کے برابر ہے۔
اسی وجہ سے مرکزی بینک سونے کے بڑے ذخیرہ کار ہیں، جو تاریخ میں کان کُنی کے ذریعے نکالے گئے مجموعی سونے کا تقریباً پانچواں حصہ رکھتے ہیں۔
By 
